November 02, 2024
Brother broke relationship with her sister and performed last rites: જબલપુર (Jabalpur)માં એક હિન્દુ યુવતીએ મુસ્લિમ સાથે લગ્ન કરીને પોતાનું નામ અને ધર્મ બદલી નાખ્યો. રોષે ભરાયેલા પરિવારે દીકરીને જીવતી દાનમાં આપીને અંતિમ સંસ્કારની મિજબાની કરી હતી. ત્યારે હવે વધુ એક આવોજ કિસ્સો પ્રકાશમાં આવ્યો છે જેમાં યુવતી લગ્નના એક દિવસ પહેલા કોઈ અન્ય સાથે ભાગી ગઈ હતી. જ્યારે પરિવારને આ વાતની જાણ થઈ, ત્યારે તેઓએ જીવતી છોકરીના કુશ (ઘાસ) ની અર્થી તૈયાર કરી અને તેના અંતિમ સંસ્કાર કર્યા. આ સમગ્ર મામલો બિહાર (Bihar)ના પૂર્ણિયા (Purnia)જિલ્લાનો છે.
11 જૂન 2023ના રોજ જિલ્લાના ટીકાપટ્ટી ગામના રહેવાસી બિહારી ગુપ્તાની નાની બહેનના લગ્ન થવાના હતા. 10મી જૂને હળદરની રસમ કરવામાં આવી હતી. આ પછી બિહારી ગુપ્તાની બહેન અચાનક ઘરમાંથી ગાયબ થઈ ગઈ. 11 જૂને બિહારી ગુપ્તાએ ટીકાપટ્ટી પોલીસ સ્ટેશનમાં તેના જ ગામના સુધાંશુ કુમાર મંડલ વિરુદ્ધ ફરિયાદ નોંધાવી હતી. તેણે કહ્યું કે સુધાંશુ દ્વારા તેની બહેનનું અપહરણ કરવામાં આવ્યું છે.
આ સમગ્ર મામલો સામે આવ્યા બાદ પોલીસ તપાસમાં લાગી ગઈ અને પોલીસે બિહારીની બહેનને શોધી કાઢી. તેને પોલીસ સ્ટેશન લાવવામાં આવી અને બિહારીને તેની બહેન વિશે જાણ કરવામાં આવી. સમાચાર મળતા જ બિહારી અને પરિવારના અન્ય સભ્યો પોલીસ સ્ટેશન પહોંચ્યા. પરંતુ તે લોકોને જ્યારે ખબર પડી કે યુવતી પરણિત છે ત્યારે આશ્ચર્યચકિત થઈ ગયા.
Trending News
પૂછ-પરછ દરમિયાન યુવતીએ જણાવ્યું કે, તે સુધાંશુના પ્રેમમાં હતી, તેથી જ તેણે મંદિરમાં જઈને સુધાંસુ સાથે લગ્ન કર્યા. આ સાથે યુવતીએ કહ્યું કે ભાઈ બિહારી ગુપ્તાએ સુધાંસુ વિરુદ્ધ અપહરણનો કેસ દાખલ કર્યો છે, તે જૂઠો છે. યુવતી પોતાની સ્વતંત્ર ઇચ્છાથી સુધાંસુ સાથે ગઈ હતી. બહેનના આ શબ્દો સાંભળીને બિહારી ગુપ્તાના પગ નીચેથી જમીન સરકી ગઈ.
બિહારીની બહેનના નિર્ણયથી ખરાબ રીતે દુઃખી થયેલો બિહારી ઘરે આવ્યો અને પછી તેણે તેની જીવતી બહેનની અર્થી કાઢી. બિહારીએ કુશ (ઘાસ) ની અર્થી તૈયાર કરી અને પરિવારના અન્ય સભ્યો સાથે બહેનની અર્થીને અગ્નીદાન આપ્યું. સ્મશાનગૃહમાં પહોંચ્યા બાદ બહેનની અર્થીના અંતિમ સંસ્કાર કરવામાં આવ્યા હતા
છોકરીના ભાઈ બિહારી ગુપ્તાનું કહેવું છે કે પિતાના અવસાન પછી તેની બંને બહેનોને પિતાની કમી ન થવા દીધી. એક બહેનના લગ્ન થઇ ગયા છે અને બીજીના લગ્ન તેની ઈચ્છાથી નક્કી થયા હતા અને 11મી જૂને તેના લગ્નની જાન આવવાની હતી. હળદરની વિધિ પૂરી કર્યા બાદ તે ઘરેથી ભાગી ગઈ અને તેના પ્રેમી સાથે લગ્ન કરી લીધા. તેની ઈચ્છા પર જ અમે સંબંધ નક્કી કર્યો હતો. જો તેને છોકરો ગમતો ન હતો, તો તેણે પરિવારના કોઈને કહેવું જોઈતું હતું. કહેવું જોઈએ કે તેણે કોઈ બીજા સાથે લગ્ન કરવા છે. તેને ભાગીને લગ્ન કર્યા, તેથી તેનો સંબંધનો અગ્નિસંસ્કાર કર્યો. આજથી મારી એક જ બહેન છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.