May 17, 2024
Students Bus Accident: જોધપુર-જેસલમેર શૈક્ષણિક પ્રવાસ પર ગુજરાતથી બાળકોને લઈ જઈ રહેલી બસ પાછળથી ડામરથી ભરેલા ટ્રેલર સાથે અથડાઈ હતી. ટક્કર એટલી ગંભીર હતી કે બસનો આગળનો ભાગ ખરાબ રીતે તૂટી ગયો હતો. બસમાં વિદ્યાર્થીઓ, શિક્ષકો અને શાળાના કેટલાક કર્મચારીઓ સહિત લગભગ 52 લોકો સવાર હતા. જેમાં શાળાના 2 કર્મચારીઓના મોત થયા હતા અને 21 લોકો ગંભીર રીતે ઘાયલ થયા હતા. જેમને સારવાર માટે શિવગંજ હોસ્પિટલમાં લઈ જવામાં આવ્યા હતા. જેમાં 6 ગંભીર રીતે ઘાયલોને સિરોહી રિફર કરવામાં આવ્યા છે. ત્યારે અકસ્માત( Students Bus Accident )ને પગલે હાઈવે પર જામ થઈ ગયો હતો. સુમેરપુર પોલીસ અને વહીવટી અધિકારીઓ ઘટના સ્થળે પહોંચી ગયા હતા.
2 લોકોના મોત થયા જયારે 21 લોકો થયા ઘાયલ
આ અંગે મળતી માહિતી મુજબ આ અકસ્માત સવારે લગભગ 7.30 વાગ્યે થયો હતો. જેમાં શાળા સંચાલક મહેસાણા નિવાસી ડાયાલાલના પુત્ર પ્રકાશ (60) અને શાળાના પટાવાળા વિપુલ ચૌધરી (35)ના મોત થયા હતા અને 21 લોકો ઘાયલ થયા હતા. આ તમામ ગુજરાતના મહેસાણાથી સ્કૂલ બસમાં જોધપુર-જેસલમેર શૈક્ષણિક પ્રવાસ માટે નીકળ્યા હતા. બસમાં વિદ્યાર્થીઓ, શિક્ષકો અને શાળાના કેટલાક કર્મચારીઓ સહિત લગભગ 52 લોકો સવાર હતા. પ્રાથમિક તપાસમાં જાણવા મળ્યું હતું કે સુમેરપુર પોલીસ સ્ટેશન વિસ્તારમાંથી પસાર થતા હાઇવે પર પાલડી જોડ પાસે બસ આગળ જઈ રહેલા ડામરથી ભરેલા ટ્રેલર સાથે અથડાઈ હતી. ઘાયલોને શિવગંજ હોસ્પિટલમાં મોકલવામાં આવ્યા છે. જ્યાંથી 6 ગંભીર રીતે ઘાયલોને સિરોહી રિફર કરવામાં આવ્યા છે.
હાઇવે પર લાંબો ટ્રાફિક જામ થયો હતો
ઘટના બાદ હાઈવે પર લાંબો ટ્રાફિક જામ થઈ ગયો હતો. સુમેરપુરના એસએચઓ લક્ષ્મણ સિંહ મે જાપ્તા ઘટનાસ્થળે પહોંચી ગયા હતા અને ક્રેનની મદદથી વાહનોને રસ્તાના કિનારે ખસેડીને ટ્રાફિકને હળવો કરવામાં આવ્યો હતો. ઘટનાની માહિતી મળતાં સુમેરપુરના વહીવટી અધિકારીઓ પણ ઘટનાસ્થળે પહોંચી ગયા હતા.
વાલીઓમાં જોવા મળી ચિંતા
પ્રવાસે ગયેલી વિસનગરની બે લકઝરી બસો પૈકી એકને અકસ્માત નડ્યો હતો. અકસ્માતમાં 2ના મોતના સમાચાર મળી રહ્યા છે. જ્યારે 21 ને ઈજા પહોંચી છે.ખેરાલુ તાલુકાના ચોટીયા ગામની સ્કૂલના બાળકો રાજસ્થાન પ્રવાસે ગયા હતા. અકસ્માતમાં ઘાયલ થયેલા લોકોને શિવગંજ હોસ્પિટલ ખાતે સારવાર માટે ખસેડાયા છે. ઘટનાને પગલે બાળકોના વાલીઓમાં ચિંતા જોવા મળી રહી છે.
Trending News
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
