સી આર પાટીલનો પિત્તો છટક્યો- યજ્ઞેશ દવેએ પાટીદાર નેતા પર કરેલી અભદ્ર ટ્વીટ કરાવી ડીલીટ અને ઘસ્કાવ્યા

હાલમાં ગુજરાતમાં એક જ મુદ્દો ચાલી રહ્યો છે. નરેશ પટેલ (Naresh Patel) કયા પક્ષમાં જશે? તે વચ્ચે હવે એક નવો વિવાદ જ ઉભો થયો છે. ગઈ કાલે સાંજે એક ખાનગી ચેનલની ટીવી ડીબેટમાં ભાજપના પ્રવક્તા યજ્ઞેશ દવે એ ભાંગરો વાટયો હતો. ગુજરાતની ખાનગી ન્યૂઝ ચેનલની ડિબેટમાં યજ્ઞેશ દવે (Yagnesh Dave BJP) અને પાટીદાર નેતા અલ્પેશ કથીરિયા (Alpesh Kathiriya) વચ્ચે વાતચીત થઈ રહી હતી. અને વિવાદ ઉભો થયો છે.

આ ડીબેટ દરમિયાન ભાજપ પ્રવક્તા યજ્ઞેશ દવે એ જાતિવિષયક વાતચીત કરતા અલ્પેશ કથિરિયાએ કહ્યું હતું કે, રાજકારણની વાત માં સમાજને વચ્ચે ન લાવો. અલ્પેશના આવું કહેતાંની સાથે યજ્ઞેશ દવે પોતાનું વાણી સંતુલન ગુમાવી બેઠા અને અલ્પેશ કથીરિયા ને ન કહેવાનું કહી દીધું હતું. આટલે થી ન અટકતા યજ્ઞેશ દવેએ આંદોલનકારી નેતા અલ્પેશ કથીરિયાને ગાંધીનગર આવો ઔકાત બતાવી દઉં એમ કહેતા મામલો બીચકયો હતો.

આ વિવાદ હજી ઠરે નહીં તે પહેલાં જ યગ્નેશ દવે એક ટ્વિટ કરી અને લખ્યું હતું કે “ડફેર ની પુછડી જાલીને તૈયાર થયેલું અને નાતમાં કોઈ પૂછે નહીં એ પોતાની જાતને સમાજનો ભા માનતું આંદોલનકારી ગલુડિયું બીજાને ઓકાત બતાવવા નીકળ્યું છે.” આમ યજ્ઞેશ દવે એ હાર્દિક પટેલ ને ડફેર અને અલ્પેશ કથેરિયા ને ગલુડિયા સમાન જણાવ્યા. જેને લઇને પાટીદાર સમાજના યુવાનોમાં રોષ પ્રવર્તર્યો હતો. આવી અભદ્ર ભાષા વાપરીને યજ્ઞેશ દવે માત્ર પાટીદાર જ નહીં પરંતુ ભાજપના કાર્યકર્તાઓના રોષનો ભોગ પણ બન્યા.