November 18, 2024
રાજકારણ(Politics): પંજાબના પૂર્વ મુખ્યમંત્રી કેપ્ટન અમરિંદર સિંહે(Capt. Amarinder Singh) સ્પષ્ટ કર્યું છે કે તેઓ ભાજપ(BJP)માં નથી જઈ રહ્યા પરંતુ સ્પષ્ટપણે કહ્યું કે તેઓ કોંગ્રેસ(Congress)માં પણ નહીં હોય. મળતી માહિતી અનુસાર અમરિંદર સિંહે કહ્યું કે, તેઓ જલ્દી જ કોંગ્રેસ છોડવા જઈ રહ્યા છે. તેમણે કહ્યું કે, અપમાન સહન કરવામાં આવશે નહીં. કેપ્ટને 18 સપ્ટેમ્બરના રોજ પંજાબના મુખ્યમંત્રી પદેથી રાજીનામું આપવાની ફરજ પાડવામાં આવી તે પછીની તમામ અટકળોનો અંત લાવ્યો છે.
કેન્દ્રીય ગૃહ મંત્રી અમિત શાહ(Amit Shah)ને મળ્યાના એક દિવસ પછી, કેપ્ટન અમરિંદર સિંહે સ્પષ્ટ કર્યું છે કે “હમણાં હું કોંગ્રેસમાં છું પણ કોંગ્રેસમાં નહીં રહું. હું આ પ્રકારનું વર્તન સહન કરી શકું તેમ નથી.” કેપ્ટન અમરિંદર સિંહે કહ્યું કે 50 વર્ષ પછી મારી વિશ્વસનીયતા પર શંકા કરવામાં આવી રહી છે તે અસહ્ય છે.
સંકટમય પાર્ટીમાંથી બહાર નીકળવાના અન્ય મોટા નેતાના સંકેતો વચ્ચે કોંગ્રેસે અમરિંદર સિંહનો સંપર્ક કર્યો છે. સૂત્રોનું કહેવું છે કે, વરિષ્ઠ કોંગ્રેસી નેતાઓ અંબિકા સોની અને કમલનાથ અમરિંદર સિંહને શાંત કરવાનો પ્રયાસ કરી રહ્યા છે પરંતુ કેપ્ટન, જે મંગળવારથી દિલ્હીમાં છે, દેખીતી રીતે તેમની પાર્ટી અધ્યક્ષ સોનિયા ગાંધી સાથે કોઈ પણ પ્રકારની મુલાકાત કરી નથી. તેઓ બીજી બાજુ ના નેતાઓ સાથે બેઠકો યોજી રહ્યા છે.
Trending News
કેપ્ટન સિંહ આજે સવારે રાષ્ટ્રીય સુરક્ષા સલાહકાર અજીત ડોભાલને તેમના નિવાસસ્થાને મળ્યા હતા. સૂત્રોના જણાવ્યા અનુસાર, પંજાબ બોર્ડર પર સુરક્ષાની સ્થિતિ અને રાજ્યમાં રાજકીય સંકટ અંગે બંને વચ્ચે ચર્ચા થઈ છે. 18 સપ્ટેમ્બરના રોજ પંજાબના મુખ્યમંત્રી પદ છોડ્યા બાદ કેપ્ટન અમરિંદર સિંહ કોંગ્રેસને હાંસિયામાં ધકેલીને તેમનું આગામી પગલું શું હશે તેનો ઈરાદો વ્યક્ત કર્યો ન હતો, પરંતુ હવે તેમણે આગળનું ચિત્ર સાફ કરી દીધું છે.
તમને જણાવી દઈએ કે કેપ્ટન અમરિંદર સિંહે એક દિવસ પહેલા કહ્યું હતું કે તેઓ દિલ્હીમાં કોઈ નેતાને નહીં મળે, પરંતુ આ નિવેદન બાદ 24 કલાક બાદ તેઓ ગૃહમંત્રી અમિત શાહને મળવા પહોંચ્યા હતા. તેમણે પોતે બેઠક અંગે ટ્વિટ કર્યું અને કહ્યું કે શાહ સાથેની બેઠકમાં શું થયું? કેપ્ટન અને શાહે લગભગ 45 મિનિટ સુધી વાતચીત કરી હતી. આ દરમિયાન બંને નેતાઓએ ખેડૂતોના આંદોલન પર વિચાર -વિમર્શ કર્યો. કેપ્ટને કૃષિ કાયદાઓ પાછા ખેંચવાની અને એમએસપીની ગેરંટીની માંગ કરી હતી. કેપ્ટને ગૃહમંત્રી સાથે પંજાબની ખેતી અંગે પણ વાત કરી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.