ભરૂચ નજીક CNG પંપ પર ગેસ રિફિલિંગ કરાવી રહેલ કારમાં અચાનક જ ભયંકર બ્લાસ્ટ થતા…

ગુજરાત: દિવાળીના તહેવારો (Diwali festivals) ની હજુ શરૂઆત નથી થઇ ત્યાં તો ભરૂચ (Bharuch) માં આગ તથા ધૂમધડાકાની ઘટનાઓ શરૂ થઈ ચુકી છે. આજથી 2 દિવસ અગાઉ જ સુરત શહેર (Surat city) ની લકઝરી બસ હાઇવે પર સળગી ઉઠવાની ઘટના પછી બુધવારે રાતે નર્મદા ચોકડી ઉપર CNG સ્ટેશન પર ગેસ ફિલિંગ દરમિયાન કારની ટેન્ક ફાટતા કારના ફુરચે ફુરચા નીકળી ગયા હતા.

સદનસીબે જાનહાનિ ટળી:
દિવાળીના તહેવારો ટાણે જ ભરૂચમાં આગ, અકસ્માતો તેમજ ધડાકાઓની ઘટનાઓ છેલ્લા થોડા દિવસોથી બની રહી છે. હજુ 2 દિવસ અગાઉ હાઇવે પર અંકલેશ્વર ટોલ પ્લાઝા પાસે બર્નીગ બસની ઘટના પછી બુધવારની રાત્રે CNG કારની ટાંકી ફાટી નીકળી હતી.

ઘટનાની મળતી જાણકારી પ્રમાણે સુરતના હરિકૃષ્ણ એપાર્ટમેન્ટમાં રહેતા કોન્ટ્રાકટર નરેન્દ્ર વિનુભાઈ ખાતરા બુધવારની રાતે સુરતથી તેમની હોન્ડા જાજ કાર લઇને વડોદરા બાજુ જઈ રહ્યા હતા. રાતે 11.50 કલાકે તેઓ ભરૂચની નર્મદા ચોકડી પરના ગુજરાત ગેસના CNG સ્ટેશન પર ગેસ ભરાવા ગયા ત્યારે CNG ભરાઈ રહ્યો હતો ત્યારે ટેન્ક ફાટતા અફરાતફરી મચી જવા પામી હતી.