કરુણ ઘટના: 3 બાળકીએ રમતા રમતા ગુમાવ્યો જીવ -કારણ જાણીને આંસુ નહીં રોકી શકો…

હાલમાં એક એવી દુ:ખદાયક ઘટના પ્રકાશમાં આવી છે જેમાં રમતા રમતા ત્રણ યુવતીઓ એક કારમાં પુરાઈ ગઈ અને ગાડી અંદરથી લોક થઇ ગઈ હતી. ત્રણેય બાળકીઓ કારની અંદર ગૂંગળામણ થવાથી મરી ગઈ હતી. તેમની ઉંમર લગભગ 5 વર્ષથી 8 વર્ષ હતી. આ ઘટના બાદથી આખા ગામમાં શોકનું મોજું ફરી વળ્યું.

બાતમી મળતાની સાથે જ પોલીસ ઘટના સ્થળે પહોંચી ગઈ હતી અને પોસ્ટ મોર્ટમ બાદ ત્રણેય યુવતીઓના મૃતદેહને સંબંધીઓને સોંપી દેવામાં આવ્યા હતા. એવું કહેવામાં આવી રહ્યું છે કે, રમતા રમતા બાળકો કારમાં ઘૂસી ગયા હતા અને બારી તેમજ દરવાજા બંધ થઇ જવાને કારણે ગુંગળામણને લીધે તેમનું મોત નીપજ્યું હતું.

એવું કહેવામાં આવી રહ્યું છે કે, સત્સંગનો કાર્યક્રમ ચાલી રહ્યો હતો, બધા લોકો સત્સંગમાં વ્યસ્ત હતા. તેથી કોઈને ખબર ન પડી કે, છોકરીઓ રમતી વખતે કારમાં ક્યારે પુરાઈ ગઈ અને કાર લોક કરી દીધી. આ આઘાતજનક ઘટના બાદ પરિવારના સભ્યો શોકમાં ગરકાવ થઇ ગયા અને ગામનું વાતાવરણ ગમગીનીમાં બદલાઈ ગયું છે.