રામના નામે હરામના રુપિયા ઉઘરાવતા ઝડપાયા- જાણો સુરતમાં કેટલા લોકો પાસેથી પડાવ્યા નાણા

ઉત્તરાયણનાં પવિત્ર પર્વે ધાર્મિક ગ્રંથોમાં દાન પુણ્ય ઘણું મહત્વ દર્શાવ્યું છે. મોટા ભાગના લોકો ઉત્તરાયણના દિવસે દાન પુણ્ય કરતા હોય છે. મંદિર, આશ્રમ, ગૌશાળા વગેરેના લોકો દાન લેવા માટે આવતા હોય છે. પરંતુ ઘણા એવા પણ હોય છે જે દાનનાં નામે લોકો પાસેથી ખોટા રૂપિયા પડાવી લેતા હોય છે તેવો જ એક કિસ્સો સામે આવ્યો છે.

ગુજરાતના સુરત શહેરમાંથી આ બનાવ બહાર આવ્યો છે. સુરત શહેરના કાપોદ્રા વિસ્તારમાં મંદિરના નામે ઠગ કરતા બે વ્યક્તિઓ ઝડપાયા છે. મોટા શહેરોમાં ઘણા લોકો ઉત્તરાયણમાં રસ્તા પર પડાવ નાંખીને લોકો પાસેથી દાન લેતા હોય છે. આ વ્યક્તિઓ એવી જ રીતે લોકો પાસેથી રૂપિયા પડાવતા હતા.

સુરત શહેરના કાપોદ્રા વિસ્તારમાં મંદિરના નામે લોકો પાસે રૂપિયા લઈ તેને નકલી રસીદો બનાવી આપતા હતા. અને આવી રીતે આ બે વ્યક્તિઓ લોકો પાસેથી રૂપિયા પડાવી રહ્યા હતા. આ વ્યક્તિઓ રામ જન્મ ભૂમિ તીર્થ શેત્રનાં નામ  પર લોકો પાસે રૂપિયા લેતા અને તેને નકલી રસીદો બનાવી આપતા હતા.

આરોપીની ઓળખ અમિત ઉર્ફે રાહુલ સુરેન્દ્રપ્રસાદ પાંડે તરીકે થઇ છે. 30 વર્ષીય અમિત 64, કલ્યાણ કુટીર સોસાયટી ચીકુવાડી કાપોદ્રામાં રહે છે અને તેનું મૂળ ગામ જીરકપુર જીલ્લો જોનપુર ઉત્તરપ્રદેશ છે. અમિત ફ્રુટની લારી ચલાવે છે. આરોપી અમિતે તા.૧૪/૦૧/૨૦૨૧નાં રોજ કલાક. – ૧૦/૦૦ વાગ્યા દરમ્યાન કાપોદ્રા, ચીકુવાડી, કલ્યાણકુટીર સોસાયટી ,ક્રિષ્ના ઓટો ગેરેજની સામે રોડ પર પડાવ નાંખ્યો હતો.