સુરતના યુવકે પોતાના જન્મદિવસે મોંઘી વસ્તુ લેવાને બદલે ગરીબ બાળકોની મદદ કરી માનવતા મહેકાવી

આ સમય જોતા જન્મ દિવસની ઉજવણી રોડ પર કે બહાર ફરવા જઈને મિત્રો કે સગાસંબંધીઓ સાથે કેક કાપવાની અને જન્મદિવસની પાર્ટીને ઉજવવાની એક ફેશન બની ગઈ છે. જોવા જઈએ તો અમુક લોકો પોતાના બર્થ ડે પર લોકોની સેવા કરતા નજરે પડે છે. જયારે પોતાના જન્મ દિવસ પર અમુક વ્યક્તિ ગરીબ લોકોને પોતાનાથી થઇ શકે એમ હોય એટલી મદદ કરે છે.

ત્યારે સુરતના એક યુવકે પોતાના જન્મદિવસ નિમિતે કેક કાપીને કે પાર્ટી કરીને નહી પંરતુ ગરીબ બાળકો નાનપણમાં જ શિક્ષણ પ્રાપ્ત કરી શકે તે હેતુસર સ્ટેશનરી સામગ્રી અને સાથે જીવન જરૂરી ચીજવસ્તુઓ આપી એક નવું માનવતા નું ઉદાહરણ પૂરું પાડ્યું  હતું.

સુરત શહેરમાં રહેતા એવા આત્મીય ચેરિટેબલ ટ્રસ્ટના સભ્ય વિકાસ રાખોલીયાનો આજે જન્મ દિવસ છે અને તે પોતાના 24 માં જન્મદિવસ નિમિતે સેવા કરતા જોવા મળ્યા છે. વિકાસ રાખોલીયાએ પોતાના જન્મદિવસ નિમિતે શ્રમિક પરિવાર ના બાળકો ને શિક્ષણ મળે એ બાળકો પણ નાનપણથી જ કક્કો-બારક્ષરી, કે વન ટુ ફોર શીખે એવી આશા અને અપેક્ષાઓ સાથે તેમણે ગરીબ બાળકોને 50 જેટલી સ્ટેશનરી કીટ અને 100 જેટલી સ્માઈલ કીટનું વિતરણ કર્યું હતું. જેમાં 50 જેટલી સ્ટેશનરી કીટમાં દેશીહિસાબ, નોટબુક, પેન્સિલ, ફૂટપટ્ટી, ચંસો , રબર વગેરે જેવી વસ્તુઓનો સમાવેશ થાય છે.