November 02, 2024
દેશના પ્રથમ ચીફ ઓફ ડિફેન્સ સ્ટાફ જનરલ બિપિન રાવત(CDS General Bipin Rawat)ના નિધન બાદ સર્વત્ર શોકનો માહોલ છે. શુક્રવારે તેમના અંતિમ સંસ્કાર કરવામાં આવશે. આ દરમિયાન નવા સીડીએસના નામને લઈને પણ ચર્ચા શરૂ થઈ ગઈ છે. કહેવામાં આવી રહ્યું છે કે કેન્દ્ર સરકાર ટૂંક સમયમાં નવા સીડીએસના નામની જાહેરાત કરી શકે છે. સૂત્રો પાસેથી માહિતી મળી છે કે નવા નામની જાહેરાત આગામી 7થી 10 દિવસમાં કરવામાં આવશે. નિયમો અનુસાર, કોઈપણ કમાન્ડિંગ અથવા ફ્લેગ ઓફિસર આ પોસ્ટ માટે લાયક છે. જનરલ રાવતે જાન્યુઆરી 2020 માં દેશના પ્રથમ CDS તરીકેનો ચાર્જ સંભાળ્યો હતો.
સામાન્ય રીતે CDS માટે ઉપલી વય મર્યાદા 65 વર્ષ નક્કી કરવામાં આવી છે. પીએમ મોદીએ 2019માં તેમના સ્વતંત્રતા દિવસના સંબોધનમાં સીડીએસની નિમણૂકની જાહેરાત કરી હતી. સીડીએસના હાથમાં ત્રણેય દળોની કમાન છે. ચાલો તે નામો પર એક નજર કરીએ જેમને આગામી સીડીએસની જવાબદારી સોંપવામાં આવી શકે છે.
નરવણે રેસમાં આગળ:
જનરલ મનોજ મુકુંદ નરવણે સીડીએસની રેસમાં આગળ છે. હાલમાં તેઓ આર્મી સ્ટાફના વડા છે. જનરલ નરવણે નેવી અને એરફોર્સમાં તેમના સમકક્ષો કરતાં વરિષ્ઠ છે. નરવણે, જેમણે 31 ડિસેમ્બર, 2019 ના રોજ આર્મી સ્ટાફના 27મા વડા તરીકેનો કાર્યભાર સંભાળ્યો હતો, અગાઉ આર્મી સ્ટાફના વાઇસ ચીફ તરીકે સેવા આપી હતી અને અગાઉ આર્મીના પૂર્વી કમાન્ડનું નેતૃત્વ કર્યું હતું, જે ચીન સાથેની ભારતની લગભગ 4,000 કિલોમીટરની સરહદનું ધ્યાન રાખે છે.
Trending News
ઘણા મહત્વપૂર્ણ મોરચે કર્યું છે કામ:
ચાર દાયકાથી વધુની તેમની કારકિર્દીમાં, નરવણેએ જમ્મુ અને કાશ્મીર અને ઉત્તર પૂર્વમાં શાંતિ, પ્રદેશ અને અત્યંત સક્રિય બળવાખોરીના વાતાવરણમાં અનેક કમાન્ડ અને સ્ટાફની નિમણૂંકો કરી છે. તેમણે જમ્મુ અને કાશ્મીરમાં રાષ્ટ્રીય રાઈફલ્સ બટાલિયન અને પૂર્વી મોરચા પર પાયદળ બ્રિગેડની કમાન્ડ પણ કરી છે. તે શ્રીલંકામાં ભારતીય પીસ કીપિંગ ફોર્સનો પણ ભાગ હતા. તેણે ત્રણ વર્ષ સુધી મ્યાનમારમાં ભારતીય દૂતાવાસમાં ભારતના ડિફેન્સ એટેચ તરીકે પણ કામ કર્યું.
એનડીએના વિધાર્થી રહી ચુક્યા છે:
નરવણે નેશનલ ડિફેન્સ એકેડમી અને ઈન્ડિયન મિલિટરી એકેડમીના ભૂતપૂર્વ વિદ્યાર્થી છે. તે ડિફેન્સ સર્વિસીસ સ્ટાફ કોલેજ, વેલિંગ્ટન અને હાયર કમાન્ડ કોર્સ, મહુના ભૂતપૂર્વ વિદ્યાર્થી છે. તેમણે ડિફેન્સ સ્ટડીઝમાં માસ્ટર ડિગ્રી, ડિફેન્સ એન્ડ મેનેજમેન્ટ સ્ટડીઝમાં એમ.ફિલની ડિગ્રી મેળવી છે અને હાલમાં તેઓ ડોક્ટરેટ કરી રહ્યાં છે.
ભદૌરિયા પણ આ રેસમાં શામેલ:
આ દરમિયાન એર ચીફ માર્શલ આરકેએસ ભદૌરિયાનું નામ પણ સીડીએસ બનવાની રેસમાં ચાલી રહ્યું છે. ભદૌરિયા જૂન 1980 માં IAF ના ફાઇટર સ્ટ્રીમમાં જોડાયા અને 42 વર્ષની સેવા પછી નિવૃત્ત થયા, જે દરમિયાન તેમણે બે મેગા ફાઇટર એરક્રાફ્ટ ડીલમાં મુખ્ય ભૂમિકા ભજવી. જેમાં 36 રાફેલ અને 83 માર્ક 1A સ્વદેશી તેજસ જેટ સામેલ છે. ભદૌરિયાએ 4,250 કલાકથી વધુ ઉડાન ભરી છે અને તેને 26 વિવિધ પ્રકારના ફાઇટર જેટ અને ટ્રાન્સપોર્ટ એરક્રાફ્ટ ઉડાવવાનો અનુભવ છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.