નાનપણથી જ સેવાકીય પ્રવૃત્તિ સાથે જોડાયેલ સુરતની જ્હાન્વીએ પોતાના જન્મદિવસની કરી અનોખી ઉજવણી

આપણે સૌ જાણીએ છીએ કે, કોઈપણ વ્યક્તિના જીવનમાં તેનો જન્મ દિવસ ખૂબ મહત્વનો ગણવામાં આવે છે, કારણ કે તે દિવસે તેમનો જન્મ થયો હોય છે. જેને લીધે દરેક વ્યક્તિ ઇચ્છે છે કે તેનો જન્મદિવસ ખૂબ જ ખાસ રહે. આની સાથે , તે ઈચ્છે છે કે આવનારા સમયમાં તેમનું જીવન સુખી રહે અને ભવિષ્ય ઉજ્જવળ રહે અને પોતાના ધ્યેય સુધી પહોંચી શકે.

ઘણા લોકો એવા હોય છે જે તેમના જન્મદિવસ પર મિત્રો, પરિવાર સાથે પાર્ટી કરે છે. જન્મ દિવસ પર ખુશીઓની ઉજવણી કરવી યોગ્ય છે પરંતુ આજના સમયમાં લોકો આ દિવસે દારૂ સાથે અન્ય વસ્તુઓનું પણ સેવન કરી રહ્યા છે જે સમાજને બરબાદી તરફ ધકેલી શકે છે.

સુરતમાં ઘણા એવા લોકો છે જે પોતાનો જન્મ દિવસ ગરીબ બાળકો સાથે ઉજવે છે. કારણ કે તે લોકોને એમાં ખુશી મળે છે. ખોટા તાયફાઓ અને ઉજવણી કર્યા વગર જ ગરીબ બાળકો સાથે પોતાનો જન્મ દિવસ ઉજવવાની ઈચ્છા દર્શાવે છે. સુરતમાં ઘણા એવા લોકો છે જે પોતાના જન્મદિવસે અન્ય બીજી જગ્યાએ પૈસા ઉડાડવાની જગ્યાએ ગરીબ બાળકોને મદદ કરે છે અને તેની સાથે પોતાનો જન્મદિવસ ઉજવે છે.

સુરતની 21 વર્ષની દીકરી જાનવી ભુવા એ પોતા નો જન્મદિવસ પુલ નીચે અને રોડ રસ્તા પર રહેતા શ્રમજીવી પરિવાર ના બાળકો ની સાથે વિતાવી ઉજવણી કરી હતી. તમને જણાવી દઈએ કે, જાનવી ભુવા નાનપણથી જ સેવાકીય પ્રવૃતિઓ સાથે જોડાયેલી છે જેઓ એમના યુવા જાગૃતિ એજ્યુકેશન ચેરીટેબલ ટ્રસ્ટ સાથે આવા બાળકોને શિક્ષણ આપવાનું કાર્ય પણ ઘણા સમયથી કરી રહ્યા છે. સાથે તમને જણાવી દઈએ કે, હાલ તેઓ આમ આદમી પાર્ટી ની વિધાર્થી પાંખ CYSS સુરત ના મહિલા પ્રમુખ તરીકેની જવાબદારી સંભાળી રહીયા છે.