November 24, 2024
મહારાષ્ટ્ર(Maharashtra)માં ચાલી રહેલા રાજકીય ઉથલપાથલ વચ્ચે કેન્દ્ર સરકારે શિવસેના(Shiv Sena)ના 15 બળવાખોર ધારાસભ્યોને Y+ શ્રેણીની સુરક્ષા આપી છે. આ અંતર્ગત બળવાખોર ધારાસભ્યોની સુરક્ષામાં સેન્ટ્રલ રિઝર્વ પોલીસ ફોર્સ (CRPF)ના જવાનોને તૈનાત કરવામાં આવશે. સમાચાર એજન્સી ANIએ સૂત્રોને ટાંકીને આ માહિતી આપી છે.
શિવસેનાના 15 બળવાખોરો જેમને Y+ કેટેગરીની સુરક્ષા આપવામાં આવી છે તેમાં રમેશ બોરનારે, મંગેશ કુડાલકર, સંજય શિરસાટ, લતાબાઈ સોનાવણે, પ્રકાશ સુર્વે, સદાનંદ સરનાવણકર, યોગેશ દાદા કદમ, પ્રતાપ સરનાઈક, યામિની જાધવ, પ્રદીપ જયસ્વાલ, સંજય રાઠોડ, દાદાજી ભૂસે, દિલીપ લાંડે, બાલાજી કલ્યાનાર અને સંદીપન ભુમરે હોવાનું કહેવાય છે. આ તમામ ધારાસભ્યોને CRPF સુરક્ષા પુરી પાડવામાં આવી છે.
સૂત્રો પાસેથી મળેલી માહિતી અનુસાર, એકનાથ શિંદે જૂથના ધારાસભ્યોને મહારાષ્ટ્ર જઈ રહેલા સંભવિત ખતરાને ધ્યાનમાં રાખીને ગૃહ મંત્રાલયે તેમને સુરક્ષા આપવાનો નિર્ણય કર્યો છે.
Trending News
તમને જણાવી દઈએ કે મહારાષ્ટ્રમાં શિવસેનામાં બે જૂથ છે. ઉદ્ધવ ઠાકરેના સમર્થકો એકનાથ શિંદે જૂથના ધારાસભ્યોનો વિરોધ કરી રહ્યા છે. રવિવારે પણ શિવસેનાના કાર્યકરોએ એકનાથ શિંદે જૂથના બળવાખોર ધારાસભ્યો વિરુદ્ધ મુંબઈમાં સામના કાર્યાલયની બહાર બાઇક રેલી કાઢી હતી. તે જ સમયે, એકનાથ શિંદે કેમ્પના સમર્થકોએ થાણેમાં ઉદ્ધવ ઠાકરેના સમર્થનમાં લગાવેલા પોસ્ટરો પર રંગ લગાવ્યો હતો. એકનાથ અને ઉદ્ધવ ઠાકરે જૂથના સમર્થકો સામસામે આવી ગયા છે.
તાજેતરમાં શિવસેનાના કાર્યકરોએ બળવાખોર ધારાસભ્યની ઓફિસમાં તોડફોડ કરી હતી. શિવસૈનિકોએ પુણેમાં બળવાખોર તાનાજી સાવંતના નિવાસસ્થાન અને કાર્યાલય પર હંગામો મચાવ્યો હતો.
સૂત્રોના જણાવ્યા અનુસાર શુક્રવારે મોડી રાત્રે વડોદરામાં શિવસેનાના બળવાખોર ધારાસભ્યોના નેતા એકનાથ શિંદે અને ભાજપના વરિષ્ઠ નેતા અને પૂર્વ સીએમ દેવેન્દ્ર ફડણવીસ વચ્ચે બેઠક થઈ હતી. એવું માનવામાં આવે છે કે મહારાષ્ટ્રમાં સરકાર બનાવવા પર ચર્ચા થઈ છે. આવી સ્થિતિમાં, બળવાખોર ધારાસભ્યો ટૂંક સમયમાં આસામથી મુંબઈ આવે તેવી શક્યતા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.