May 07, 2024
ભારતીય સેનાએ ભાજપના સાંસદ તાપીર ગાવના દાવાને નકારી કાઢ્યો છે, જેમાં તેમણે કહ્યું હતું કે અરુણાચલ પ્રદેશમાં, ચીની સેના અંદર 100 કિલોમીટર સુધી લાકડાના પુલ બનાવીને ભારતીય સરહદમાં ઘૂસી ગઈ છે.
ભાજપના સાંસદ તાપીર ગાઓએ દાવો કર્યો હતો કે, અરૂણાચલ પ્રદેશમાં ચીની સેના લગભગ 100 કિલોમીટર સુધી લાકડાના પુલ પર પ્રવેશી છે. તેણે એક વીડિયો પણ બહાર પાડ્યો છે. જો કે, જ્યારે ભારતીય સેનાએ તેના દાવાની તપાસ કરી, ત્યારે તેણે તેને ખોટું ગણાવ્યું અને કહ્યું કે, સાંસદનો જે વીડિયો શેર થયો હતો તે શંકાસ્પદ છે.
Trending News
આ સાથે સેનાએ એ પણ સ્પષ્ટ કર્યું કે,સાંસદ દ્વારા પોતાના દાવામાં જે લાકડાના પુલનો ઉલ્લેખ કરવામાં આવ્યો છે તેની ચોક્કસ જગ્યા ત્યાં નથી, પરંતુ હજી પણ આ દાવાની તપાસ માટે પેટ્રોલિંગ પાર્ટી મોકલવામાં આવી છે.
જણાવી દઈએ કે ભાજપના સાંસદ તાપીર ગેવએ અગાવ પણ આપેલા નીવેદનમાં કહ્યું હતું કે હું આ વિસ્તારમાં પેટ્રોલિંગ કરનારા સેનાને દોષી ઠેરવતો નથી. પરંતુ અહીં કોઈ રસ્તો નથી, તેથી તે લોકો અહીં કેવી રીતે પહોંચ્યા? મને સરકાર પર પૂરો વિશ્વાસ છે અને હું ઇચ્છું છું કે તેઓ આ મામલાની તપાસ કરે. હું જાતે આ બાબતને ગંભીરતાથી લઈ રહ્યો છું અને અહીં રસ્તો બનાવવાની જરૂર છે.
તાપીર ગામે કહ્યું હતું કે ચાગલગામથી 100 કિલોમીટરની અંતરે વાસ્તવિક નિયંત્રણ રેખા છે અને જો ચીન ચાગલગામથી 25 કિલોમીટર દૂર એક પુલ બનાવે છે, તો તેનો અર્થ એ કે ચીન પહેલાથી જ 60-70 કિલોમીટરના અંતરે આપણી સરહદમાં આવી ચૂક્યા છે.
તાપીરના સનસનાટીભર્યા દાવાને જવાબ આપતાં સૈન્યએ કહ્યું કેભારત અને ચીન વચ્ચેના સરહદી વિસ્તારોમાં તમામ પ્રશ્નોના સમાધાન માટે રાજદ્વારી અને સૈન્ય મિકેનિઝમની સ્થાપના કરવામાં આવી છે. બંને પક્ષ સંમત છે કે, ભારત-ચીન સરહદ વિસ્તારોના તમામ વિસ્તારોમાં શાંતિ અને સુખ જાળવવી જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
