કોરોનાગ્રસ્ત દર્દીઓ જલ્દી સ્વસ્થ થાય એ માટે CM રૂપાણીએ લીધો મહત્વનો નિર્ણય

હાલમાં કોરોનાની મહામારી સમગ્ર વિશ્વમાં ચાલી રહી છે. રાજ્યમાં પણ કોરોનાની મહામારી સતત વધતી જ જાય છે.ઘણીવાર રુપાણી સરકાર દ્વારા મહત્વનાં પગલા લેવામાં આવતાં હોય છે. હાલમાં પણ આવી જ એક જાણકારી સામે આવી રહી છે.

ગુજરાતમાં કોરોનાની મહામારી સતત વધતી જાય છે. આની સાથે જ સમગ્ર રાજ્યમાં કોરોના કેસમાં પણ દરરોજ વધતાં જ જાય છે. રાજ્યમાં બુધવારે કુલ 1,300 થી વધુ પોઝિટિવ કેસો સામે આવ્યા હતાં. રાજ્યમાં કોરોનાથી સંક્રમિત કેસનો આંકડો કુલ 1 લાખને પહોંચવા આવ્યો છે.

કોરોનાની સતત વધત જતી સંખ્યાની વચ્ચે હવે CM વિજય રૂપાણી દ્વારા તબીબોને ટકોર કરવામાં આવી છે.CM રૂપાણી દ્વારા સીનિયર તબીબોને ICU મુલાકાત લેવાંની સલાહ આપવામાં આવી છે. દિવસમાં ઓછામાં ઓછી કુલ 2 વાર મુલાકાત લેવાંની રાજ્યનાં CM રુપાણી દ્વારા સીનિયર તબીબોને સૂચના આપવામાં આવી છે.

CM રૂપાણીએ જણાવતાં કહ્યું, કે રાજ્યમાં કોરોનાનો સામનો કરી રહેલ દર્દીમાંથી વધારેમાં વધારે લોકો સાજા થવા જોઇએ. અહી ઉલ્લેખનીય છે, કે CM રૂપાણીએ રાજકોટમાં આવેલ સિવિલની વર્ચ્યુઅલ મુલાકાત લેવામાં આવી છે. આ મુલાકાતમાં એમણે ડેશબૉર્ડનાં માધ્યમથી તબીબ તેમજ નર્સની સાથે સંવાદ પણ સાધ્યો હતો.