ભારતીયો માટે ગર્વની વાત: ગલવાન ઘાટીમાં ચીનને જડબાતોડ જવાબ આપનાર કર્નલ સંતોષ બાબુ થશે મહાવીર ચક્રથી સન્માનિત

દેશની માટે અનેક સૈનિકો બોર્ડર પર શહીદ થતાં હોય છે. એમની વીરગતિને સમ્માન આપવા માટે એમને એવોર્ડ આપવામાં આવતા હોય છે ત્યારે હાલમાં આવી જ એક જાણકારી સામે આવી રહી છે. જૂન વર્ષ 2020માં ચીન સામે લદ્દાખની ગલવાન ઘાટીમાં થયેલ અથડામણમાં શહીદ થયેલ કર્નલ સંતોષ બાબુબે મરણોત્તર સેનાનું બીજું સૌથી મોટું સન્માન મહાવીર ચક્રથી સન્માનિત કરવામાં આવશે. આ સન્માન 26 જાન્યુઆરીનાં રોજ મરણોત્તર કર્નલ સંતોષ બાબુને આપવામાં આવશે.

પુલવામાના શહીદ ASI મોહન લાલને શૌર્ય પુરસ્કાર :
પુલવામા આતંકી હુમલામાં શહીદ થયેલા ASI મોહનલાલને આ વર્ષે શૌર્ય પુરસ્કારથી સન્માનિત કરવામાં આવશે. મોહનલાલે જ IED લાગેલી કારની ઓળખ કરી હતી. આની સાથે તાત્કાલિક મોરચો સંભાળતા આતંકવાદીઓ પર ફાયરિંગની શરૂઆત કરી દીધી હતી.

946 જવાનોને અલગ-અલગ સેવા માટે સન્માન :
કુલ 2 જવાનોને રાષ્ટ્રપતિ પોલીસ શૌર્ય ચંદ્રક, કુલ 205 જવાનોને પોલીસ મેડલ માટે શોર્ય પુરસ્કાર, કુલ 89 સૈનિકોને વિશિષ્ટ સેવા માટે રાષ્ટ્રપતિ પોલીસ મેડલ તથા કુલ 650 જવાનોને પ્રશંસનીય સેવા માટે પોલીસ મેડલ એનાયત કરવામાં આવશે.

જેના પૈકી CRPFના કુલ 131 તથા BSFના કુલ 71 જવાનનો સમાવેશ થાય છે. જેમાં જમ્મુ-કાશ્મીરના કુલ 71, ઉત્તરપ્રદેશના કુલ 87 તથા મહારાષ્ટ્રના કુલ 57 નો સમાવેશ થાય છે.