November 03, 2024
ઉત્તર પ્રદેશ (Uttar Pradesh)ના ઉન્નાવ(Unnao) જિલ્લાના બાંગરમાઉ (Bangarmau)થી ચોંકાવનારા સમાચાર સામે આવ્યા છે. પ્રથમ દિવસે અહીં નર્સિંગ હોમ (Nursing Home)માં નર્સ (Nurse)ની નોકરી કરવા આવેલી યુવતીનો મૃતદેહ નર્સિંગ હોમની છત પર લટકતી હાલતમાં મળી આવ્યો હતો. નર્સની માતાએ નર્સિંગ હોમના ઓપરેટર સહિત ચાર લોકો પર તેની પુત્રીની સામૂહિક દુષ્કર્મ બાદ હત્યા કરવાનો આરોપ લગાવ્યો છે. પોલીસે માતાની ફરિયાદના આધારે ગુનો નોંધી તપાસ શરૂ કરી છે. પોલીસ નર્સના પોસ્ટમોર્ટમ(Postmortem) રિપોર્ટની રાહ જોઈ રહી છે.
આસિવાન પોલીસ સ્ટેશનના એક ગામની 18 વર્ષની યુવતી શુક્રવારે પહેલા દિવસે નર્સની નોકરી કરવા માટે નર્સિંગ હોમમાં ગઈ હતી. આ પછી શનિવારે સવારે યુવતીની લાશ હોસ્પિટલની છત પર આરસીસી થાંભલાના પાછળના ભાગે દોરડાની મદદથી લટકતી હાલતમાં મળી આવી હતી. માહિતી મળ્યા બાદ સીઓ વિક્રમજીત સિંહ અને કોટવાલ બ્રિજેન્દ્ર નાથ શુક્લા ઘટનાસ્થળે પહોંચ્યા અને તપાસ કરી.
Trending News
બીજી તરફ પુત્રીના મોતના સમાચાર મળતા માતા ત્યાં પહોંચી હતી અને મૃતદેહ જોઈને વ્યથિત થઈ ગઈ હતી. તેણીએ પોલીસમાં ફરિયાદ નોંધાવી હતી, જેમાં બાંગરમાઉ નિવાસી નર્સિંગ હોમના સંચાલક નૂર આલમ, ચાંદ આલમ, અનિલ કુમાર અને એક અજાણ્યા પર સામૂહિક દુષ્કર્મ બાદ પુત્રીની હત્યાનો આરોપ મૂક્યો હતો. તહરીરના આધારે પોલીસે સામૂહિક દુષ્કર્મ અને હત્યાની કલમો હેઠળ રિપોર્ટ નોંધ્યો છે. પોસ્ટમોર્ટમ રિપોર્ટના આધારે આગળની કાર્યવાહી કરવામાં આવશે.
નોકરીના પહેલા જ દિવસે નાઇટ ડ્યુટી લગાવી દેવામાં આવી હતી:
માતાનો આરોપ છે કે ડ્યૂટી જોઇન કર્યાના પહેલા જ દિવસે નર્સિંગ હોમના સંચાલકે દીકરીને નાઇટ પર ડ્યૂટી લગાવી દીધી હતી. જણાવ્યું કે શુક્રવારે સાંજે તે ઘરેથી ડ્યુટી પર જવા નીકળી હતી. જ્યારે તેણી નીકળી ત્યારે તે નોકરી મેળવીને ખૂબ ખુશ હતી. શનિવારે સવારે અચાનક તેનો મૃતદેહ ફાંસીથી લટકતો હોવાની જાણ થઈ. નર્સના પિતાનું સાત વર્ષ પહેલા અવસાન થયું હતું. નર્સ આઠ બહેનોમાં ચોથા નંબરની હતી. ત્રણ બહેનો પરિણીત છે. માતાના કહેવા પ્રમાણે, પુત્રીને પુત્ર ન હોવાથી પરિવારના ખર્ચા માટે અને બહેનોના ઉછેર માટે નોકરી શરૂ કરી હતી.
નર્સિંગ હોમ સીએમઓ ઓફિસમાં નોંધાયેલ નથી:
નવું જીવન નર્સિંગ હોમ રજીસ્ટ્રેશન વગર ચાલતું હતું. તેની શરૂઆત પાંચ દિવસ પહેલા થઈ હતી. જો આરોગ્ય વિભાગ સતર્ક હોત તો આવા નર્સિંગ હોમ ચાલુ ન થયા હોત અને દીકરીનો જીવ બચી શક્યો હોત. આ હોસ્પિટલ સંચાલકે નોંધણી માટે અરજી પણ કરી ન હતી અને તમામ પ્રવૃત્તિઓ શરૂ કરી હતી. તપાસ કરવા ગયેલી પોલીસને હોસ્પિટલમાં દાખલ દર્દી મળી શક્યો ન હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.