ગણતરીની કલાકોમાં પ્રચંડ સ્વરૂપ ધારણ કરશે બિપોરજોય, ગુજરાતથી માત્ર આટલા કિમી જ દુર…

Cyclone Biporjoy: હવામાન વિભાગ (Meteorological Department) દ્વારા કરેલી આગાહી અનુસાર ગુજરાત (Gujarat) રાજ્ય પર બિપોરજોય (Biporjoy) નો ખતરો વધતો જાય છે, જેમાં એક્સ્ટ્રીમલી સિવિલયર સાયક્લોનિક સ્ટોર્મ બન્યુ છે અને બિપોરજોય વાવાઝોડુ (Cyclone Biporjoy) પોરબંદર (Porbandar) થી માત્ર 510 કિમી જ દૂર છે. તેમજ બિપોરજોય વાવાઝોડુ 7 કિમી પ્રતિ કલાકની ઝડપે આગળ વધી રહ્યુ છે.

કચ્છ અને સૌરાષ્ટ્રમાં વાવાઝોડાની ભારે અસર વર્તાય તેવી શક્યતા હવામાન વિભાગ દ્વારા વ્યક્ત કરવામાં આવી છે, તેમજ વાવાઝોડાના ખતરાને જોતા તંત્રને સાબદુ કરવામાં આવ્યુ છે. દરિયાકાંઠા વિસ્તારમાં ભારે પવન સાથે વરસાદની આગાહી કરવામાં આવી છે.

હવામાન વિભાગ દ્વારા માછીમારોને દરિયો ન ખેડવા માટે સૂચના પણ આપવામાં આવી છે. હવામાન વિભાગ દ્વારા કરેલી આગાહી અનુસાર આવતીકાલથી પવનની ગતિ 50 કિમીથી પણ વધુ રહેવાની સંભાવના છે. સાથે જ NDRFની ટીમ વલસાડ, પોરબંદર અને વેરાવળ તૈનાત છે.

SDRFની ટીમ કચ્છમાં સ્ટેન્ડ બાય મોડ પર છે સાથે જ તમામ બીચ પર સહેલાણીઓ માટે રોક પણ લગાવવામાં આવી છે અને દરિયાકાંઠાના વિસ્તારોમાં કોસ્ટગાર્ડ પણ તૈનાત કરવામાં આવ્યા છે. હવાઈ નીરિક્ષણ કરવામાં આવી રહ્યું છે કે, માછીમારો માછીમારી ન કરે.