November 04, 2024
વાળ (Hair) ની સુંદરતા માટે આપણે તમામ પ્રકારના ઉપાયો કરીએ છીએ, પરંતુ કેમિકલયુક્ત ઉત્પાદનોનો વધુ પડતો ઉપયોગ વાળને નુકસાન પહોંચાડે છે. મોટા ભાગના લોકોને હાલના સમયમાં વાળ ખરવા, રફ વાળ વગેરે જેવી સમસ્યાઓ હોય જ છે. વાળને નરમ અને સિલ્કી(Silky hair) બનાવવા માટે તમે કેટલાક હેર માસ્કનો ઉપયોગ કરી શકો છો.
ડેમેજ વાળ માટે આ 3 હેર માસ્કનો ઉપયોગ કરો:
આ હેરમાસ્ક વાળ પર લગાવવાથી ખોવાયેલી ચમક પાછી લાવી શકાય છે. ઉપરાંત, તે વાળના નુકસાનને ટાળી શકે છે. આ માસ્કનો ઉપયોગ કરવાથી વાળ રાતોરાત સરખા કરી શકાય છે.
1. એલોવેરા
સૌથી પહેલા એક બાઉલમાં 2 ચમચી એલોવેરા જેલ લો. હવે તેમાં 1 ચમચી તજ પાવડર ઉમેરો. ત્યાર બાદ તેને સારી રીતે મિક્સ કરી લો. આ મિશ્રણને તમારા વાળમાં લગાવો. લગભગ 20 થી 30 મિનિટ પછી તમારા વાળને સાદા પાણીથી ધોઈ લો. આ તમારા વાળને હાઇડ્રેટ કરશે, સાથે જ વાળની ચમક પણ પુનઃસ્થાપિત કરશે.
Trending News
2. નાળિયેર તેલ અને હની હેરમાસ્ક
એક બાઉલમાં 2 ચમચી નારિયેળ તેલ લો. હવે તેમાં 2 ચમચી મધ ઉમેરો અને સારી રીતે મિક્સ કરો. આ પછી, તેને થોડું ગરમ કરો અને તેને તમારા વાળમાં લગાવો. લગભગ 20 મિનિટ પછી તમારા વાળને શેમ્પૂથી ધોઈ લો. નુકસાન થયેલા વાળને ફરીથી રિપેર કરવામાં મદદ કરશે.
3. કેળા, દહીં અને હની હેરમાસ્ક
એક બાઉલમાં 2 મોટી સાઈઝના કેળા લો. હવે તેને સારી રીતે મેશ કરો. આ પછી તેમાં 1 ટેબલસ્પૂન દહીં અને મધ મિક્સ કરો. ત્યાર બાદ તેને તમારા વાળમાં લગાવો. આ હેરમાસ્કને વાળમાં લગભગ 30 મિનિટ સુધી રહેવા દો. આ પછી તમારા વાળને સામાન્ય શેમ્પૂથી ધોઈ લો. કેળામાં હાજર ડીપ કન્ડીશનીંગ પ્રોપર્ટી તમને તમારા વાળની ચમક પુનઃસ્થાપિત કરવામાં મદદ કરે છે. મધ તમારા વાળની ખોવાયેલી ચમક પાછી લાવી શકે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.