November 24, 2024
Attack on Indian student in America: અમેરિકાના શિકાગોમાં એક ભારતીય વિદ્યાર્થી પર હુમલો થયો છે. ચાર લોકોએ વિદ્યાર્થીને નિશાન બનાવ્યો, જેના કારણે તેને ગંભીર ઈજાઓ થઈ છે. હૈદરાબાદનો આ વિદ્યાર્થી અમેરિકામાં માસ્ટર્સનો અભ્યાસ કરી રહ્યો છે. પીડિતાની ઓળખ સૈયદ મઝહિર અલી તરીકે થઈ છે. લેંગર હાઉસમાં રહેતો મઝહિર અમેરિકાની ઇન્ડિયાના વેસ્લીયન યુનિવર્સિટીનો વિદ્યાર્થી છે. ચાર લોકોએ મઝહિર પર હુમલો કર્યો અને તેનો ફોન છીનવી લીધો હોવાનું પણ સામે આવ્યું છે. મઝહિર પર હુમલાના(Attack on Indian student in America) કેટલાક વીડિયો ફૂટેજ પણ સામે આવ્યા છે, જેમાં તેના ચહેરા પરથી લોહી વહેતું જોઈ શકાય છે. અમેરિકામાં છેલ્લા કેટલાક સમયથી ભારતીય મૂળના વિદ્યાર્થીઓ પર સતત હુમલા થઈ રહ્યા છે.જે એક ચિંતાનો વિષય બન્યો છે.
મૂળ ભારતીય વિદ્યાર્થી પર ચાર લોકોએ કર્યો હુમલો
મઝહિર પર શિકાગોમાં તેના ઘરની નજીક ચાર હથિયારબંધ લોકોએ હુમલો કર્યો હતો. એક વીડિયોમાં અલીએ જણાવ્યું છે કે જ્યારે તે હાથમાં ફૂડ પેકેટ લઈને ઘરે પરત ફરી રહ્યો હતો ત્યારે ચાર લોકોએ તેના પર હુમલો કર્યો હતો. ઘટનાના સીસીટીવી ફૂટેજમાં દેખાય છે કે મંગળવારે તેના કેમ્પબેલ એવન્યુ ઘર પાસે હુમલાખોરો દ્વારા અલીનો પીછો કરવામાં આવ્યો હતો. હુમલાખોરોએ અલીનો પીછો કર્યો અને તેના પર હુમલો કર્યો હતો.તેમજ હુમલા પછી, અલીને તેના કપાળ, નાક અને મોંમાંથી લોહી નીકળતું જોઈ શકાય છે.
વીડિયો સોશિયલ મીડિયા પર શેર કર્યો
મજલિસ બચાવો તેહરીક (MBT)ના પ્રવક્તા અમજદ ઉલ્લા ખાને સોશિયલ મીડિયા પ્લેટફોર્મ X પર આ ઘટના સાથે સંબંધિત વીડિયો અને તસવીર શેર કરી છે. ખાને અમેરિકન પોલીસનું ધ્યાન આ તરફ દોર્યું છે અને કહ્યું છે કે આવી ઘટનાઓ બંધ થવી જોઈએ. ભારતીય દૂતાવાસ પાસેથી મદદ માટે વિનંતી પણ કરવામાં આવી છે. તેણે અમેરિકામાં ભારતીયો પર હુમલા અંગે ચિંતા વ્યક્ત કરી છે.
Trending News
વહીવટીતંત્ર મદદ માટે આગળ આવ્યું
આ પોસ્ટને 80 હજારથી વધુ વ્યૂઝ મળ્યા છે. મઝહિરની પત્ની રૂકૈયા ફાતિમાએ એક વીડિયો દ્વારા વિદેશ મંત્રીને મદદની અપીલ કરી છે. ભારતીય દૂતાવાસે જવાબમાં લખ્યું છે કે કોન્સ્યુલેટ ભારતમાં રહેતા મઝહિર અને તેની પત્નીના સંપર્કમાં છે. તેમને તમામ પ્રકારની મદદની ખાતરી પણ આપવામાં આવી છે.
Hyderabad student was attacked and robbed in Chicago.
Syed Mazahir Ali, a student from #Hyderabad studying at Indiana Wesleyan University in Chicago, was seriously injured in an armed robbery near his home. pic.twitter.com/t3ycvlrqG9
— Sudhakar Udumula (@sudhakarudumula) February 6, 2024
ભારતીય મૂળના વિદ્યાર્થીઓ પર હુમલા વધ્યા
સરકાર અને પ્રશાસન પણ અમેરિકામાં ગોળીબારની ઘટનાઓને અટકાવી શક્યું નથી. રાષ્ટ્રપતિ જો બિડેન અને ઉપરાષ્ટ્રપતિ કમલા હેરિસે પણ આવી ઘટનાઓ પર ચિંતા વ્યક્ત કરી છે, પરંતુ કોઈ ઉકેલ શોધી શક્યા નથી. આ દરમિયાન ભારતીય મૂળના વિદ્યાર્થીઓ પર હુમલાની ઘટનાઓ પણ વધી છે. ગયા અઠવાડિયે અમેરિકાના ઓહાયો રાજ્યના સિનસિનાટીમાં શ્રેયસ શ્રેયસ રેડ્ડી નામના ભારતીય વિદ્યાર્થીનું શંકાસ્પદ રીતે મોત થયું હતું. તેમના મૃત્યુનું કારણ હજુ સ્પષ્ટ થયું નથી. આ પહેલા પણ બે ભારતીય વિદ્યાર્થીઓના મોત થયા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube