આપ નેતા Manoj Sorathiya પર થયેલા હુમલા બાદ દિલ્હીના નેતાઓના સુરતમાં ધામા- જાણો કોણ કોણ પહોચ્યું Gujarat

સુરત(Surat): શહેરમાં ભાજપ(BJP) અને આમ આદમી પાર્ટી(AAP) વચ્ચે વારંવાર ઘર્ષણ થવાની ઘટનાઓ સામે આવી રહી છે. ત્યારે હવે આમ આદમી પાર્ટીના પ્રદેશ મહામંત્રી મનોજ સોરઠીયા(Manoj Sorathiya) ઉપર હુમલો કરવામાં આવ્યો હોવાની ઘટના સામે આવતા આમ આદમી પાર્ટીના કાર્યકર્તાઓ ઉગ્ર રોષ જોવા મળી રહ્યો છે. મનોજ સોરઠીયા ઉપર હુમલો થતાં તેને હોસ્પિટલમાં સારવાર અર્થે લઈ જવામાં આવ્યા હતા.

મોડી રાત્રે મનોજ સોરઠીયા ઉપર થયેલા હુમલા ને ધ્યાનમાં લઇ દિલ્હીથી રાજ્યસભા સાંસદ રાઘવ ચઢા, આમ આદમી પાર્ટીના ગુજરાત પ્રભારી સંદીપ પાઠક સુરત મુકામે આવ્યા હતા. હોસ્પિટલમાં દાખલ કરવામાં આવેલ મનોજ સોરઠીયા ની મુલાકાત લીધી હતી. ત્યારબાદ સીમાડા નાકા ગણપતિ પંડાલ ખાતે ગણપતિ દર્શન અને ઘટના સ્થળને મુલાકાત લીધી હતી. આમ આદમી પાર્ટી દ્વારા સીમાડા નાકાથી કાપોદ્રા પોલીસ સ્ટેશન સુધીની પદયાત્રા યોજવામાં આવી હતી.

રાજ્યસભા સાંસદ @raghav_chadha, ‘આપ’ ગુજરાત પ્રભારી @SandeepPathak04, પ્રદેશ અધ્યક્ષ @Gopal_Italia, નેશનલ જોઈન્ટ જનરલ સેક્રેટરી @isudan_gadhvi તથા ‘આપ’ના અન્ય નેતાઓ અને કાર્યકર્તાઓએ પ્રદેશ મહામંત્રી @manoj_sorathiya ની હોસ્પિટલ ખાતે મુલાકાત લઈ સારા સ્વાસ્થ્યની પ્રાર્થના કરી. pic.twitter.com/B26T9Y1688

— AAP Gujarat । Mission2022 (@AAPGujarat) August 31, 2022

જાણો શું બની હતી સમગ્ર ઘટના?
આમ આદમી પાર્ટી દ્વારા સીમાડા ચોકડી ખાતે દર વર્ષે ગણેશ ઉત્સવનું આયોજન કરવામાં આવતું હોય છે. ત્યારે હવે આ વખતે પણ ગણેશ ચતુર્થી ને લઈને મંડપનું આયોજન થઈ રહ્યું હતું. આ સમય દરમિયાન કેટલાક વ્યક્તિઓ દ્વારા એકાએક મંડપ પાસે પડેલા ડંડાઓ અને લોખંડની પાઇપ વડે હુમલા કરવાનું શરૂ કરી દીધું હતું.