અમેરિકાથી આવેલા 16 કરોડના ઈન્જેકશનથી ધૈર્યરાજને મળ્યુ નવજીવન: ડોકટરે જે જણાવ્યું એ જાણી…

ગુજરાતના કરોડો લોકોની પ્રાર્થના અને આશીર્વાદથી ધૈર્યરાજને આજે જરૂરી દવા ZOLGENSMAના ડોઝ આપી દેવામાં આવ્યા છે. જાણવા મળ્યું છે કે, હાલ ધૈર્યરાજ મુંબઈની હિંદુજા હોસ્પિટલમાં ડોક્ટરની દેખરેખ હેઠળ છે. હાલમાં ધૈર્યરાજની તબિયત ખુબ જ સારી છે. મહીસાગર જિલ્લાના ખાનપુર તાલુકાનો ત્રણ મહિનાનો ધૈર્યરાજસિંહ જન્મજાત SSM-1 તરીકે ઓળખાતી ગંભીર બિમારીથી પીડિત છે.

આ બિમારી રંગસૂત્ર-5 નાળીમાં ખામીને કારણે થાય છે અને આ બિમારીના ઇલાજ માટે 16 કરોડ રૂપિયાની જરૂર હોવાથી હાલમાં સમગ્ર દેશમાંથી ધૈર્યરાજ સિંહને આર્થિક મદદ માટે માતાપિતા દ્વારા અપીલ કરવામાં આવી હતી. જેના થકી અત્યાર સુધીમાં ઘણા લોકોએ મદદ કરી હતી.

જાણવા મળ્યું છે કે, મહીસાગર જિલ્લાનો રહેવાસી ધૈર્યરાજ એક ગંભીર બિમારીથી પીડાઈ રહ્યો છે. જેને આર્થિક સહાય આપવા તેના માતા-પિતાએ કરેલી અપીલમાં સુરતના કિન્નર સમાજે પણ તેમને મદદ કરવાનું મન બનાવી લીધું હતું. આ અંગે કિન્નર સમાજના પાયલ કુવરબાએ જણાવ્યું હતું કે, આ નાના બાળકને એક ઈન્જેક્શનની જરૂર હોય આ ઇંજેક્શન ખૂબ જ મોંઘું આવે છે.

બાળકને જે બીમારી છે તે બીમારી માટે 22 કરોડ રૂપિયાની જરૂર હોવાથી સમગ્ર દેશ તેની મદદ કરી રહ્યો છે. આ દરમિયાન કિન્નર સમાજે પણ ફાળો ભેગો કર્યો છે. અમે બધાએ 65,000 રૂપિયા ભેગા કર્યા છે. અમે આ ફાળો તેમના માતાપિતા સુધી પહોંચડીશું અને બાળક જલ્દી સાજો થાય તેવી પ્રાર્થના કરીશું.