જીતુ વાઘાણીએ કહ્યું છે કે ધવલસિંહ ભાજપમાં આવે છે, તેને ડિસ્ટર્બ ન કરો, તમારું સમજી લઈશું: – સાંભળો ઓડિયો કલીપ

આજકાલ રાજકારણમાં નવી પ્રથા ચાલી રહી છે. આત્મ શુદ્ધિની પ્રથા. રાજકારણીઓ પોતાના પાપ ધોવા માટે ભાજપમાં જોડાઈ રહ્યા છે અને ભાજપમાં જોડવાને કારણે તેમના પર લાગેલા આક્ષેપો પણ ધોવાઈ જાય છે. ભાજપ સાથે જોડાવા માટે આતુર કોંગ્રેસના ધારાસભ્ય અલ્પેશ ઠાકોરના સાથી ધારાસભ્ય ધવલસિંહ ઝાલાના કૌભાંડો ઢાંકવા ભાજપના પ્રદેશ અધ્યક્ષ જીતુ વાઘાણી ભાજપના જ નેતાને દબાવ્યાનું બહાર આવ્યું છે.

સોશિયલ મિડિયામાં વાઇરલ ઓડિયો ટેપમાં અમદાવાદ ભાજપના નેતા જગદિશ પટેલે ”ધવલસિંહ ભાજપમાં આવે છે એટલ તેને ડિસ્ટર્બ ન કરો, તમારૂ જે હશે તે સમજી લઈશું” એવુ જીતુ વાઘાણીએ કહ્યાનો દાવો કર્યો છે. લોકસભા ચૂંટણી પછી સચિવાલયમાં બાયડથી કોંગ્રેસના ધારાસભ્ય ધવલસિંહ ઝાલાના આંટાફેરા કેમ વધ્યા છે. તેના પાછળના કારણો હવે સોશ્યલ મિડિયામાંથી બહાર આવ્યા છે. ભાજપના નેતા જગદિશ પટેલ અને પત્રકાર વચ્ચે થયેલી વાતચીતની ઓડિયો ટેપમાં ધવલસિંહ ઝાલાની નરોડા સ્થિત કોલેજ અને પેટ્રોલ પંપ ગેરકાયદે બાંધકામ હોવાનો ભાંડો ફુટયો છે.

આ મુદ્દે જગદિશ પટેલે ડા, યુનિવર્સિટીથી લઈને સરકારમાં અનેક જગ્યાએ ફરીયાદો કરી હતી. વિધાનસભા ચૂંટણી વખતે ઓક્ટોબર ૨૦૧૭માં પેટ્રોલ પંપને સીલ પણ કરી દેવાયો હતો. ભાજપના આ નેતા વધુ કાર્યવાહી માટે આગળ વધે તે પહેલા જ સરકારમાંથી તેમના ઉપર દબાણ આવી રહ્યુ હોવાનું ઓડિયો ટેપમાં કહેતા જણાયા છે.