માવાના ચક્કરમાં સુરતના યુવકનું ચોરાયું એકટીવા: ડીકીમાં 30 લાખ રૂપિયાના હીરા અને રોકડા 1.16 લાખ રૂપિયા હતા

સુરતમાં કાપોદ્રા વિસ્તારમાં સોમવારના રોજ એકટીવા ચોરાઈ જવાની ઘટના સામે આવી હતી. એકટીવાની ડિકી માં કુલ ૩૦ લાખ રૂપિયાના હીરા અને રોકડા 1.16 લાખ રૂપિયા હતા. સુરતના કાપોદ્રા પોલીસ સ્ટેશન માંથી મળતી માહિતી મુજબ, કૈલાસ ધામ સોસાયટી પુણા ગામ માં રહેતા પરેશભાઈ ભુપતભાઈ દુધાત વરાછા મીની બજાર માં હીરાનો વેપાર કરે છે. કાપોદ્રામાં જવાહર નગરરોડ, સાઈનાથ સોસાયટી માં હીરા નું ખાતું ચલાવે છે. સાથે તેઓ કારગીલ ચોક પાસે નારાયણનગર સોસાયટીમાં હીરાની લે-વેચ માટેની ઓફિસ છે.

 

View this post on Instagram

 

A post shared by Trishul News (@trishulnews)

તેઓએ છેલ્લા એક મહિનામાં અલગ અલગ વેપારીઓ પાસેથી જુદા જુદા પ્રકારના હીરાની ખરીદી કરી હતી. આ હીરાની કિંમત અંદાજે ૩૦ લાખ રૂપિયા છે. તેમણે તે હીરા ને એક બેગમાં મૂકીને તે બેગને એક્ટિવાની ડીકીમાં મૂકી હતી. તેઓ આ હીરા લઈને મિનિ બજાર ખાતે ગયા હતા. મીનીબજાર એક હીરા દલાલ પાસેથી હીરા વેચાણના 1.16 લાખ રૂપિયા પણ હીરા ની બેગ માં મૂકી દીધા હતા. ત્યારબાદ તેઓ એકટીવા લઈને ઘરે જમવા માટે ગયા હતા. ત્યાં તેમણે હીરા ની થેલી બહાર કાઢી લીધી હતી.

ત્યારબાદ જમીને તેઓ ફરીથી હીરાને એક્ટિવાની ડીકીમાં મૂકીને સાંજે પાંચ વાગ્યે કારગીલ ચોક પાસે આવેલ નારાયણ નગર સોસાયટીમાં ઓફિસ પર પહોંચ્યા હતા. ત્યારે તેમણે ઓફિસ પાસે પોતાની એકટીવા પાર્ક કરી હતી. તેમની ઓફિસ સામે ખાતું ચલાવતા પ્રવીણ ઝાલાવડીયા ના ખાતામાં કારીગર ને માવો આપવા માટે ગયા હતા. ફક્ત દોઢ મિનિટમાં પરત ફર્યા ત્યારે તેમની એકટીવા ગાયબ હતી.