November 05, 2024
દિશા વાકાણી (Disha Vakani): ‘તારક મહેતા કા ઉલ્ટા ચશ્મા’ (Taarak Mehta Ka Ooltah Chashmah) છેલ્લા ઘણા સમયથી લોકોનું મનોરંજન કરી રહી છે. શોના દરેક પાત્રને દર્શકો દ્વારા પસંદ કરવામાં આવ્યા છે અને તેને અલવિદા કહી ચૂકેલા સ્ટાર્સ આજે પણ સીરીયલના જ નામોથી ઓળખાય છે. શોમાં દયાબેનનું પાત્ર ભજવીને લોકોનું દિલ જીતનાર દિશા વાકાણી પણ ખુબજ ચર્ચામાં રહે છે.
View this post on Instagram
ક્યારેક શોમાં તેની વાપસીની અટકળો થાય છે તો ક્યારેક નવી દયાબેનના આગમનની માહિતી સામે આવે છે. ચાહકો દયાબેનના પાત્રને ખૂબ જ મિસ કરી રહ્યા છે અને ઘણી વખત દિશા વાકાણીને પરત લાવવાની માંગ કરી છે. જોકે દિશા તેના પરિવાર સાથે સમય વિતાવી રહી છે.
Trending News
દિશા લાઈમલાઈટથી અંતર બનાવી રહી છે, પરંતુ એક્ટ્રેસની તસવીરો સોશિયલ મીડિયા પર દરરોજ વાયરલ થાય છે. તે જ સમયે, હાલમાં જ દિશાનો તેના પુત્ર સાથેનો વીડિયો વાયરલ થઈ રહ્યો છે. દિશા વાકાણીએ પુત્રના જન્મ પછી તારક મહેતા શોથી દૂર રહી હતી. ત્યારથી તે પોતાના પરિવાર સાથે સમય વિતાવી રહી છે અને શોબિઝની દુનિયાથી દૂર છે.
હાલ અભિનેત્રીનો વીડિયો વાયરલ થઈ રહ્યો છે, જેમાં તે પોતાના પતિ મયુર અને બાળકો સાથે પૂજા કરી રહી છે. આ મહાશિવરાત્રી દરમિયાનનો એક વીડિયો છે, જેમાં અભિનેત્રીના પુત્રની પહેલી ઝલક જોવા મળી રહી છે. આ વીડિયો જોયા બાદ એક તરફ ચાહકો તેમના પુત્રના વખાણ કરી રહ્યા છે તો બીજી તરફ તેઓ ખૂબ જ ભાવુક થઈ ગયા છે અને શોમાં દયાબેનને ફરીથી જોવા માટે ઉત્સુક છે.
એક યુઝરે લખ્યું, કૃપા કરીને પાછા આવો, જ્યારે બીજાએ કહ્યું, મેડમ તારક મહેતામાં પાછા આવો, તમારા વિના શો અધૂરો લાગે છે. જણાવી દઈએ કે 2017માં દિશા વાકાણીએ શોમાંથી બ્રેક લીધો હતો. પરંતુ તે પછી તે પરત આવી ન હતી. હાલમાં જ અસિત મોદીએ કન્ફર્મ કર્યું હતું કે દિશા શોમાં પાછી નહીં ફરે, પરંતુ દયાબેન ચોક્કસ આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.