May 17, 2024
લાખો અને કરોડોનો પગાર દરેકને આકર્ષે છે, પરંતુ કેટલીક પોસ્ટ્સ એવી નરેછે કે જ્યાં પૈસાની અગત્યતા નથી પણ તે પોસ્ટ છે. કેટલીક સમાન પોસ્ટ્સ છે જેવી કે, રાષ્ટ્રપતિ, વડાપ્રધાન (PM), મુખ્યમંત્રી (CM) વગેરે. દરેક વ્યક્તિ આ પોસ્ટ્સમાં કેટલો પગાર, કઈ સુવિધાઓ ઉપલબ્ધ છે અથવા કેટલી મિલકત છે તે જાણવા માટે ઉત્સુક છે. આજે આપણે જાણીએ છીએ કે દેશના વડા એટલે કે વડાપ્રધાન નરેન્દ્ર મોદીને કેટલો પગાર અને કઈ સુવિધાઓ ઉપલબ્ધ છે.
પીએમ મોદીનો પગાર:
બંધારણમાં વડા પ્રધાનને દેશની સરકારના વડા તરીકે વર્ણવવામાં આવ્યા છે, જે દેશને દરેક સંકટમાંથી બચાવે છે અને તેને પ્રગતિના માર્ગે લઈ જાય છે. પ્રધાનમંત્રી કેબિનેટના અધ્યક્ષ હોવા ઉપરાંત રાષ્ટ્રપતિના સલાહકાર પણ છે અને વૈશ્વિક મંચ પર દેશનું નેતૃત્વ કરે છે. 2014 થી વડાપ્રધાનની ખુરશી પર રહેલા નરેન્દ્ર મોદીને ભારતીય બંધારણની કલમ 106 મુજબ પગાર આપવામાં આવે છે. બિઝનેસ ઈનસાઈડરના રિપોર્ટ અનુસાર, પ્રધાનમંત્રીને તેમના મૂળ પગાર અને ભથ્થા ઉપરાંત સાંસદ તરીકે તેમના મતવિસ્તાર ભથ્થા મળે છે. અત્યારે વડાપ્રધાનનો પગાર મહિને 2 લાખ રૂપિયા છે. જોકે, તેમને ઘણી સુવિધાઓ મળે છે.
બંગલો:
મહિનાના 2 લાખ રૂપિયાના પગાર ઉપરાંત વડાપ્રધાન મોદીને દેશની રાજધાની દિલ્હીમાં 12 એકર વિસ્તારમાં ફેલાયેલો બંગલો પણ મળ્યો છે. પ્રધાનમંત્રી કાર્યાલય (પીએમઓ) ઉપરાંત, આ વિસ્તારમાં સુરક્ષામાં રોકાયેલા સ્પેશિયલ પ્રોટેક્શન ગ્રુપ (એસપીજી) માટે રહેઠાણ અને ગેસ્ટ હાઉસ પણ છે.
ગ્રાઉન્ડ ટ્રાવેલ માટેની સુવિધાઓ:
પ્રધાનમંત્રીની ગ્રાઉન્ડ ટ્રાવેલ માટે સંશોધિત, બુલેટપ્રૂફ રેન્જ રોવર આપવામાં આવે છે. તેમના કાફલામાં ઓછામાં ઓછા 3 સશસ્ત્ર BMWs (7 સિરિઝ સેડાન), 2 રેન્જ રોવર, ઓછામાં ઓછા 8-10 BMW X5s, 6 ટોયોટા ફોર્ચ્યુનર્સ/લેન્ડ ક્રુઝર અને ઓછામાં ઓછા 2 મર્સિડીઝ બેન્ઝ સ્પ્રિન્ટર એમ્બ્યુલન્સ સહિત અનેક વાહનોનો મોટો કાફલો છે.
Trending News
હવાઈ મુસાફરી માટેની સુવિધાઓ:
પ્રધાનમંત્રી બોઇંગ 777-300ER માં મુસાફરી કરે છે. ભારતીય વાયુસેના આ વિમાનની દેખરેખ કરે છે. આ સિવાય તેઓ ઘણા હેલિકોપ્ટરનો પણ ઉપયોગ કરે છે.
સુરક્ષા:
સ્પેશિયલ પ્રોટેક્શન ગ્રુપ (SPG) વર્તમાન વડાપ્રધાન અને તેમના પરિવારની સુરક્ષા માટે જવાબદાર છે. સેન્ટ્રલ રિઝર્વ પોલીસ ફોર્સ (સીઆરપીએફ), બોર્ડર સિક્યુરિટી ફોર્સ (બીએસએફ) અને દિલ્હી પોલીસ પણ પીજીને 3-લેયર-સિક્યુરિટી આપવામાં એસપીજીની મદદ કરે છે.
જણાવી દઈએ કે લોકસભા અને રાજ્યસભામાં એક સંયુક્ત સમિતિ છે જે સાંસદોના પગાર, ભથ્થાઓ અને સુવિધાઓ જેવી કે મેડિકલ, ટેલિફોન, દૈનિક ભથ્થું અને આવાસ ખર્ચ અંગે નિયમો બનાવે છે. આ સમિતિ સમયાંતરે ભારત સરકાર સાથે પરામર્શ કરીને રચવામાં આવે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
