દેશ અને રાજ્ય માટે રમતા નથી, IPL માટે તમે ફીટ થઈ જાઓ છો : હાર્દિક પંડ્યા પર ભડક્યા પૂર્વ ક્રિકેટર

IPL 2024:  22 માર્ચથી શરૂ થવા જઈ રહી છે. આ મુંબઈ ઈન્ડિયન્સ નવા કેપ્ટન હાર્દિક પંડ્યા સાથે એન્ટ્રી કરવા જઈ રહી છે. પરંતુ હવે એવું લાગી રહ્યું છે કે હાર્દિકે મુંબઈ ઈન્ડિયન્સનો કેપ્ટન બનીને કંઈક ખોટું કર્યું છે. હાર્દિક આ દિવસોમાં દરેકના નિશાના પર છે. રોહિત શર્માને હટાવીને હાર્દિક પંડ્યાને કેપ્ટન બનાવવાના મુંબઈ ઈન્ડિયન્સના નિર્ણયને ઘણા ભૂતપૂર્વ ક્રિકેટરોએ પણ ખોટો ગણાવ્યો છે. ઘણા ચાહકોનું માનવું છે કે મુંબઈ ઈન્ડિયન્સે રોહિત શર્માનું અપમાન કર્યું છે.તેમજ અન્ય એક ભૂતપૂર્વ ભારતીય ક્રિકેટરે હાર્દિક પંડ્યા પર કટાક્ષ કર્યો છે અને કહ્યું છે કે તમે IPL પહેલા(IPL 2024) ફિટ થઈ જાવ છો.

‘તમે દેશ અને રાજ્ય માટે નથી રમતા, IPL પહેલા ફિટ થઈ જાઓ છો’
હાર્દિક પંડ્યા ODI વર્લ્ડ કપ 2023 દરમિયાન ઈજાગ્રસ્ત થયો હતો. જે બાદ હાર્દિક આખી ટૂર્નામેન્ટમાંથી બહાર થઈ ગયો હતો. આ પહેલીવાર નથી જ્યારે હાર્દિક ઈજાના કારણે કોઈ મોટી ટુર્નામેન્ટમાંથી બહાર થયો હોય. આ પછી, IPL 2024 ની હરાજી પહેલા, હાર્દિક મુંબઈ ઈન્ડિયન્સમાં પાછો ફર્યો અને એટલું જ નહીં, મુંબઈએ તેને રોહિત શર્માની જગ્યાએ કેપ્ટન પણ બનાવ્યો. મુંબઈ ઈન્ડિયન્સનો આ નિર્ણય મોટાભાગના ક્રિકેટરો અને ચાહકોને પસંદ આવ્યો નથી.

પ્રવીણ કુમારનો એક વીડિયો સોશિયલ મીડિયા પર થયો વાયરલ
હવે ટીમ ઈન્ડિયાના પૂર્વ ક્રિકેટર પ્રવીણ કુમારે હાર્દિક પંડ્યા પર નિશાન સાધ્યું છે. ખરેખર, પ્રવીણ કુમારનો એક વીડિયો સોશિયલ મીડિયા પર ખૂબ જ ઝડપથી વાયરલ થઈ રહ્યો છે. જેમાં તેણે હાર્દિક પંડ્યા વિશે કહ્યું છે કે તું દેશ માટે નથી રમતો, ડોમેસ્ટિક ક્રિકેટમાં તું તારા રાજ્ય માટે નથી રમતો અને IPL પહેલા તું ફિટ થઈ જાય છે. આવી વસ્તુઓ ન થવી જોઈએ. તમારે દેશ અને તમારા રાજ્ય માટે પણ ડોમેસ્ટિક ક્રિકેટ રમવું જોઈએ પરંતુ કેટલાક લોકો હવે આઈપીએલને વધુ મહત્વ આપે છે.

હાર્દિકે પ્રેક્ટિસ શરૂ કરી
મુંબઈ ઈન્ડિયન્સનો નવો કેપ્ટન બન્યા બાદ હાર્દિક પંડ્યાએ પ્રથમ વખત નેટ્સ પર પરસેવો પાડ્યો હતો. હાર્દિકે નેટ્સ પર હાર્ડ હિટિંગ શોટ ફટકાર્યા હતા. જે દર્શાવે છે કે આ વખતે IPL 2024માં હાર્દિક વધુ ખતરનાક દેખાવાનો છે.