November 24, 2024
ચૂંટણી વ્યૂહરચનાકાર પ્રશાંત કિશોરે (prashant kishor) તેના “એમ્પાવર્ડ એક્શન ગ્રૂપ” ના ભાગ રૂપે કોંગ્રેસમાં જોડાવાની ઓફરને સ્પષ્ટપણે નકારી કાઢી છે, આમ કોંગ્રેસ સાથે જોડાણની વાતોને હવે અંત આવી ગયો છે. સૂત્રોએ સંકેત આપ્યો છે કે પ્રશાંત કિશોરે સુજાવ આપ્યો હતો કે, 137 વર્ષ જૂની પાર્ટીએ આગામી સામાન્ય ચૂંટણીઓ માટે નવા ચહેરા અને પરિવર્તનની વ્યૂહરચના અપનાવવી જોઈએ.અને કોંગ્રેસે PK ને મુક્ત હાથે કામ કરવા દેવાનો ઇનકાર કર્યો છે. ઉલ્લેખનીય છે કે રહું અને પ્રશાંત કિશોર બંને એકબીજાને પસંદ નથી કરતા માટે જ રાહુલે સોનિયા ગાંધીએ આયોજિત કરેલી મીટીંગ માં હાજર રહેવાને બદલે રાહુલ ગાંધીએ વિદેશ ફરવાનું પસંદ કર્યું છે.
પ્રશાંત કિશોરે કોંગ્રેસે તેમના નિર્ણયની જાહેરાત કર્યા પછી તરત જ ટ્વિટ કર્યું “મેં EAG ના ભાગ રૂપે પાર્ટીમાં જોડાવાની અને ચૂંટણીઓની જવાબદારી લેવા માટે કોંગ્રેસની ઓફરને નકારી કાઢી છે. મારા નમ્ર અભિપ્રાયમાં, પક્ષને પરિવર્તનશીલ સુધારાઓથી ઊંડા મૂળમાં રહેલી માળખાકીય સમસ્યાઓને ઉકેલવા માટે મારા કરતાં વધુ નેતૃત્વ અને સામૂહિક ઇચ્છાશક્તિની જરૂર છે.”
I declined the generous offer of #congress to join the party as part of the EAG & take responsibility for the elections.
In my humble opinion, more than me the party needs leadership and collective will to fix the deep rooted structural problems through transformational reforms.
— Prashant Kishor (@PrashantKishor) April 26, 2022
Trending News
પાર્ટીના વરિષ્ઠ નેતા રણદીપ સુરજેવાલાએ ટ્વિટ કર્યું કે, “શ્રી પ્રશાંત કિશોર સાથેની રજૂઆત અને ચર્ચાઓ બાદ, કોંગ્રેસ પ્રમુખે એમ્પાવર્ડ એક્શન ગ્રુપ 2024 ની રચના કરી છે અને તેમને નિર્ધારિત જવાબદારી સાથે જૂથના ભાગ રૂપે પાર્ટીમાં જોડાવા માટે આમંત્રણ આપ્યું છે. તેમણે ઇનકાર કર્યો. અમે તેમના પ્રયાસો અને પક્ષને આપેલા સૂચનોની પ્રશંસા કરીએ છીએ.”
Following a presentation & discussions with Sh. Prashant Kishor, Congress President has constituted a Empowered Action Group 2024 & invited him to join the party as part of the group with defined responsibility. He declined. We appreciate his efforts & suggestion given to party.
— Randeep Singh Surjewala (@rssurjewala) April 26, 2022
છેલ્લા મહિનામાં શ્રી કિશોરે પક્ષના વડા સોનિયા ગાંધી સાથે શ્રેણીબદ્ધ બેઠકો કરી હતી અને તેમની યોજનાઓ વિશે વિગતવાર રજૂઆતો કરી હતી. આ પછી શ્રીમતી ગાંધી અને પક્ષના ટોચના નેતાઓ વચ્ચે આંતરિક બેઠકોનો દોર શરૂ થયો.
પ્રશાંત કિશોરના જોડાવા પર નેતાઓના એક વર્ગ તરફથી વિરોધ થયો હતો, માત્ર વૈચારિક આધાર પર જ નહીં પણ તૃણમૂલ કોંગ્રેસના વડા મમતા બેનર્જી અને આંધ્રપ્રદેશના મુખ્ય પ્રધાન જગન મોહન રેડ્ડી જેવા રાજકીય હરીફો સાથેના તેમના સંબંધોને લઈને પણ કેટલાક સીનીયર કોંગ્રેસી નેતાઓને વાંધો હતો.
સોનિયા ગાંધીની વિશેષ ટીમના કેટલાક સભ્યો, જેમાં દિગ્વિજય સિંઘ, મુકુલ વાસનિક, રણદીપ સુરજેવાલા અને જયરામ રમેશનો સમાવેશ થાય છે જેમણે કોંગ્રેસમાં નવા આવનારને મુક્ત હાથે કામ કરવાની મંજૂરી આપવા અંગે વાંધો ઉઠાવ્યો હતો.
આજે, કોંગ્રેસના સૂત્રોએ બંને પક્ષો પર વિશ્વાસની ઉણપનો પણ સંકેત આપ્યો હતો. જાણવા મળ્યું છે કે કિશોર શુક્રવારની સોનિયા ગાંધી અને આ મુદ્દા પર ચર્ચા કરવા માટે રચાયેલી આઠ સભ્યોની વિશેષ ટીમ સાથેની બેઠક દરમિયાન હાજર રહ્યા નહોતા. મીટિંગમાં, પ્રશાંત કિશોરને 2024 ની રાષ્ટ્રીય ચૂંટણીઓ પહેલા “રાજકીય પડકારો” ને પહોંચી વળવા માટે રચાયેલ “એમ્પાવર્ડ એક્શન ગ્રૂપ” માં સ્થાન આપવામાં આવ્યું હતું.