મુખ્યમંત્રીનો આદેશ- સોમવારથી ગુજરાતની સરકારી કે પ્રાઈવેટ શાળાનું શિક્ષણ બંધ

છેલ્લા 1 વર્ષ કરતાં પણ વધારે સમયથી કોરોનાની મહામારી ચાલી રહી છે ત્યારે આવા સમયમાં વિદ્યાર્થીઓના સ્વાસ્થ્યને ધ્યનમાં લઈ શાળા-કોલેજો બંધ થયા એને વર્ષ થવાં આવ્યું છે એમ છતાં હજુ સુધી શાળા-કોલેજોની શરૂઆત કરવાની કોઈ તારીખ આપવામાં આવી નથી.

આ નિર્ણય શાળાઓમાં વર્ગ ખંડ શિક્ષણ એટલેકે ઓફ લાઈન શિક્ષણ માટે છે. ઓન લાઈન શિક્ષણ ચાલુ રહેશે.

બાળકોને ઓનલાઈન મારફતે શિક્ષણ આપવામાં આવી રહ્યું છે ત્યારે હાલમાં એક સમાચાર સામે આવ્યા છે. મુખ્યમંત્રીશ્રી વિજયભાઈ રૂપાણીના અધ્યક્ષતામાં મળેલી કોર કમિટીની મીટીંગમાં એક મહત્વનો નિર્ણય લેવામાં આવ્યો છે. સમગ્ર રાજ્યના વિદ્યાર્થીઓના વ્યાપક હિત તેમજ કોરોના સંક્રમણ નિયંત્રણના ઉદ્દેશ્યથી આ નિર્ણય લેવામાં આવ્યો છે.

આ નિર્ણય પ્રમાણે સમગ્ર રાજ્યમાં પ્રવર્તમાન કોરોના સંક્રમણની પરિસ્થિતીને ધ્યાનમાં રાખતા ધોરણ 1 થી 9 ની બધી જ શાળાઓમાં સોમવાર 5 એપ્રિલ થી અન્ય સૂચનાઓ અથવા તો આદેશ ન આવે ત્યાં સુધી શિક્ષણ કાર્ય બંધ રાખવામાં આવશે. સમગ્ર રાજ્યની સરકારી તેમજ ખાનગી શાળાઓને આ સૂચનાઓનો અમલ કરવાનો રહેશે