દીકરીને કન્યાદાન આપવાને બદલે પિતાને અગ્નિદાહ આપવાની નોબત- સમગ્ર ઘટના જાણીને આંખમાંથી આંસુ નહિ રોકી શકો

આ કોરોના મહામારીમાં અનેક કોરોના વોરિયર્સ પણ સેવા બજાવતાં બજાવતાં મોતને ભેટી ચુક્યા છ. આ દરમિયાન વાપીની હોસ્પિટલમાં નર્સ તરીકે ફરજ બજાવી ચૂકેલી અને મોટાપોંઢામાં રહેતી યુવતીના 23 એપ્રિલે લગ્નની તમામ તૈયારીઓ પૂર્ણ કરી દેવાઇ હતી. પરંતુ કોરોનાએ આ પ્રસંગની ખુશી છિનવી લીધી. થોડા દિવસો પહેલા નર્સ યુવતીને તાવ આવતા સેલવાસની ખાનગી હોસ્પિટલમાં દાખલ કરવામાં આવી હતી. જ્યાં વધુ તબિયત લથડતાં વેન્ટિલેટર સારવાર ચાલુ હતી. બુધવારે પીઠીના દિવસે જ યુવતી કારોના સામે હારી ગઇ હતી.

વલસાડ જિલ્લાના મોટા પોઢા ગામે લગ્નનો ઉત્સાહ શોકમાં પલટાઈ ગયો હતો. પીઠીના દિવસે જ યુવતીએ હોસ્પિટલના બિછાને કોરોનાની સારવારમાં દમ તોડતાં પરિવારો શોકમાં ગરકાવ થઈ ગયા છે. આજે યુવતીનાં લગ્ન હતા. પણ કોરોનાને કારણે હવે અગ્નિના સાત ફેરા ફરવાને બદલે સ્મશાનમાં યુવતીને અગ્નિદાહ આપવાની ફરજ પડી છે.

નર્સના 23 તારીખે લગ્ન હતા
જાણવા મળ્યું છે કે, કપરાડાના મોટાપોંઢામાં ઓમકચ્છમાં રહેતી મનીષાબેન ડી. પટેલ નર્સિંગનો કોર્સ કરી વાપીની ખાનગી હોસ્પિટલમાં નર્સ તરીકે સેવા પણ આપી ચૂકી છે. હાલ કોઇ હોસ્પિટલમાં ફરજ બજાવતી ન હતી. ઘરે જ રહેતી હતી. 23 એપ્રિલે શુક્રવારે તેમના લગ્ન નકકી કરાતા પરિવાર દ્વારા લગ્નની ખરીદી અને અન્ય કામગીરીમાં પરિવાર વ્યસ્ત હતો. પરંતુ કોરોનાએ આ પરિવારની ખુશીને છીનવી લીધી હતી.

પરિવાર શોકમાં ગરકાવ થયો
લગ્નની તારીખ પહેલા જ મનીષાને તાવ આવતાં સેલવાસની ચેત્નય હોસ્પિટલમા સારવાર માટે દાખલ કરવામાં આવી હતી. ત્યાં તબિયત બગડતા તેમને તરત વેન્ટિલેટર પર મૂકવામાં આવી હતી. પરંતુ બે દિવસની ટૂંકી સારવારમાં પીઠીના દિવસે જ તેનું મોત થયુ હતું. લગ્નની તૈયારીના સમગ્ર પ્રસંગને કોરોનાએ માતમમાં ફેરવી નાખ્યો હતો. ઘરે લગ્નનો મંડપ પણ નાખી દેવામાં આવ્યો હતો. પરંતુ આ કાળ બનેલા કોરોનાએ સમગ્ર પરિવારની ખુશી છીનવી લીધી હતી. મનીષાના પોતાના દિલના બધા જ અરમાનો દિલમાં સમાવી તે આ દુનિયાને છોડીને જતી રહી હતી.