ઘરના દરવાજે બેઠેલા વૃદ્ધ વ્યક્તિ પર 11 હજારવોલ્ટનો વાયર પડતા જીવતા ભડથું થયા

બેતિયા(Betiya)માં 11 હજાર વોલ્ટનો વાયર તૂટીને એક વૃદ્ધ વ્યક્તિ પર પડવાથી ઘટનાસ્થળે જ તેનું મોત થયું હોવાનો ચક્ચારો કિસ્સો સામે આવ્યો છે. આ ઘટના બુધવારે સવારે બની હતી. તેના ઘર ઉપરથી હાઈ ટેન્શન વાયર પસાર થાય છે. તે તેના દરવાજે બેઠો હતો અને તે દરમિયાન આ ઘટના બની. વાયર પડી જવાથી વ્યક્તિ જીવતો સળગી ગયો હતો.

તેનો વીડિયો પણ સામે આવ્યો છે. આ મામલો જિલ્લાના સિરિસિયા પોલીસ સ્ટેશન વિસ્તારના મુસહરી સેનવરિયા પંચાયતના વોર્ડ નંબર 10 કુર્મી ટોલા ગામનો છે. કુર્મી ટોલા ગામના રહેવાસી સીતા પ્રસાદનો 65 વર્ષીય પુત્ર ભૂતિ પ્રસાદ બુધવારે સવારે પોતાના ઘરના દરવાજે બેઠો હતો. આ દરમિયાન 11 હજાર વોલ્ટનો વાયર તૂટીને તેના શરીર પર પડ્યો હતો. જેના કારણે તેનું ઘટનાસ્થળે જ મોત નીપજ્યું હતું.

તે જ સમયે, આ અંગે મૃતકના પૌત્ર રાજન કુમારે જણાવ્યું કે, 6 વર્ષ પહેલાથી ઘરની ઉપરથી 11 હજાર વોલ્ટનો વાયર પસાર થઇ રહ્યો છે. ત્યારથી, ઘણી વખત લોરિયા જેઈ રવિ કુમારને ઘરના ઉપરના ભાગેથી તાર ખસેડવા માટે કહેવામાં આવ્યું હતું. પરંતુ તે આ વાત પર ધ્યાન આપતો નહોતો. જ્યારે આ વાયરને કારણે અત્યાર સુધીમાં 3 લોકોના મોત થયા છે.

અહી આ અંગે લોરીયા જેઈ સાથે વાત કરવાનો પ્રયાસ કરવામાં આવ્યો હતો. પરંતુ, તેણે ફોનનો જવાબ આપ્યો ન હતો. તે જ સમયે, રામનગર એસડીઓ રાજીવ રંજને કહ્યું કે, તે વિસ્તાર મારા નિયંત્રણમાં નથી આવતો. જ્યારે તે વિસ્તારને તે રામનગરમાંથી જ વીજળી પૂરી પાડવામાં આવે છે.