અકસ્માતમાં પગ ગુમાવ્યો પણ હિંમત નહિ! એક પગ વડે 1 કિ.મી.સુધી કૂદી કૂદીને શાળાએ જાય છે દીકરી સીમા

બિહાર(Bihar)ના જમુઈ(Jamui)ની સીમા મોટી થઈને શિક્ષિકા બનવા માંગે છે. તેની હિંમત સામે મુશ્કેલીઓએ પણ હાર માની લીધી છે. સીમા દરરોજ એક કિલોમીટર પગપાળા ચાલીને શાળાએ જાય છે અને ખંતથી અભ્યાસ કરવા માંગે છે. તે શિક્ષક બનીને તેની આસપાસના લોકોને ભણાવવા માંગે છે.

 

View this post on Instagram

 

A post shared by Trishul News (@trishulnews)

સીમા ખૈરા બ્લોકના ફતેહપુર ગામના નક્સલ પ્રભાવિત વિસ્તારમાં રહે છે. તેમના પિતાનું નામ ખીરણ માંઝી છે. સીમા 10 વર્ષની છે. બે વર્ષ પહેલા એક અકસ્માતમાં તેણે એક પગ ગુમાવ્યો હતો. આ અકસ્માતે તેના પગ છીનવી લીધા, પણ હિંમત નહીં. આજે તે તેના ગામમાં છોકરીઓના શિક્ષણને પ્રોત્સાહન આપવા માટે એક ઉદાહરણ સ્થાપિત કરી રહી છે. તે એક પગે ચાલીને જાતે જ શાળાએ પહોંચે છે અને બાદમાં શિક્ષક બનીને લોકોને શિક્ષિત કરવા માંગે છે.

પિતા બિહાર બહાર નોકરી કરે છે:
સીમાના પિતા બિહારની બહાર રહે છે અને મજૂરી કરી પોતાના પરિવારનું ભરણપોષણ કરે છે. સીમાની માતા બેબી દેવી જણાવે છે કે 6 બાળકોમાં સીમા બીજા નંબરની સંતાન છે. માર્ગ અકસ્માતમાં તેનો એક પગ કાપવો પડ્યો હતો. સીમાની માતા જણાવે છે કે, અકસ્માત બાદ ગામના અન્ય બાળકોને શાળાએ જતા જોઈને તેને પણ શાળાએ જવાની ઈચ્છા થવા લાગી. સીમાએ શાળાએ જઈને જાતે અભ્યાસ કરવાની ઈચ્છા વ્યક્ત કરી હતી અને શાળાના શિક્ષક દ્વારા સીમાને શાળામાં પ્રવેશ આપવો પડ્યો હતો.