અટકળોનો આવ્યો અંત! ચુંટણી પહેલા જ ભાજપના આ દિગ્ગજ નેતા કોંગ્રેસમાં જોડાયા

ગુજરાત(Gujarat): રાજ્યની વિધાનસભા ચૂંટણી(Gujarat election 2022) પહેલા ભાજપ(BJP)ને મોટો ઝટકો લાગ્યો છે. ટિકિટ ન મળવાથી નારાજ થયેલા ભાજપના દિગ્ગજ નેતા જયનારાયણ વ્યાસ(Jay Narayan Vyas) કોંગ્રેસ(Congress)માં સામેલ થયા છે. જો વાત કરવામાં આવે તો કોંગ્રેસ અધ્યક્ષ મલ્લિકાર્જુન ખડગે(Mallikarjun Kharge)ની હાજરીમાં તેઓ કોંગ્રેસમાં સામેલ થયા છે. અત્રે ઉલ્લેખનીય છે કે, થોડા સમય પહેલા તેમણે અશોક ગેહલોત સાથે મુલાકાત કરી હતી, ત્યારથી તેમના કોંગ્રેસમાં જોડાવાની અટકળો શરુ થઈ ગઈ હતી. મહત્વનું છે કે, જયનારાયણ વ્યાસ સિદ્ધપુરથી ભાજપના ધારાસભ્ય પણ રહી ચુક્યા છે.

Ahmedabad, Gujarat | Jay Narayan Vyas, who quit BJP earlier this month, joins the Congress party along with his son Sameer Vyas. https://t.co/vgbMi4iIKf pic.twitter.com/IR8mnPEBfk

— ANI (@ANI) November 28, 2022

કોંગ્રેસના ઉમેદવારને જીતાડવાની કરી હતી અપીલ:
મહત્વનું છે કે, પાટણની સિદ્ધપુર વિધાનસભા બેઠક પર તાજેતરમાં ચોંકાવનારું દ્રશ્ય સામે આવ્યું હતું. જો વાત કરવામાં આવે તો વામૈયા ગામે કોગ્રેસની જાહેર સભામાં ડો. જયનારણ વ્યાસ જોવા મળ્યા હતા. આટલું જ નહી ડો.જય નારાયણ વ્યાસ દ્વારા સિદ્ધપુર કોગ્રેસના ઉમેદવાર ચંદનજી ઠાકોરને મત આપી જીતાડવા માટે અપીલ કરવામાં આવી હતી. અત્રે ઉલ્લેખનીય છે કે, ભાજપના સિનિયર નેતા ડો જય નારાયણ વ્યાસે થોડા સમય પહેલા પક્ષ સામે નારાજગી વ્યક્ત કરી રાજીનામું આપી દીધું હતું.

સિદ્ધપુરમાં કોની કોની વચ્ચે જામી છે જંગ:
સિદ્ધપુરમાં ભાજપના ઉમેદવાર બળવંતસિંહ રાજપૂત, કોંગ્રેસના ચંદનજી ઠાકોર અને આમ આદમી પાર્ટીના મહેન્દ્ર રાજપૂત વચ્ચે બરોબરની જંગ જામી છે. ગુજરાતમાં બે તબક્કામાં મતદાન યોજાવા જઈ રહ્યા છે. પ્રથમ તબક્કાનું મતદાન 1 ડિસેમ્બર અને બીજા તબક્કાનું મતદાન 5 ડિસેમ્બરે યોજાશે. જયારે 8 ડિસેમ્બરે પરિણામ જાહેર થશે.