દરરોજ 10 GB મફત ઇન્ટરનેટ ડેટા આપી રહી છે મોદી સરકાર? – જાણો શું છે હકીકત

શું વાઇરલ થઈ રહ્યું છે…
સોશિયલ મીડિયા ઉપર જણાવવામાં આવે છે કે, મોદીસરકાર દ્વારા COVID-19માં ઓનલાઈન એજ્યુકેશન માટે વિદ્યાર્થીઓને રોજ 10 GB મફત ઈન્ટરનેટ આપી રહ્યા છે. વાઈરલ મેસેજ સાથે એક લિંક છે, વિદ્યાર્થીઓને કહેવામાં આવ્યું છે કે, લિંક પર ક્લિક કર્યા બાદ જ મફત ડેટા મેળવી શકાશે.

આ બાબત સાચું શું છે?
વાઈરલ થયેલા મેસેજમાં લખ્યું છે કે, COVID-19 વાઈરસનાં લીધે શાળા અને કોલેજ બંધ છે. તે સમયે ગૃહમંત્રાલય દ્વારા અનલોક-5ની ગાઈડલાઈન્સમાં 15 ઓક્ટોબરનાં રોજ શાળા ખોલવાની મંજૂરી આપવામાં આવી છે. આ બાબતથી સ્પષ્ટ થાય છે કે, મેસેજ કોરોના લોકડાઉન વખતનો છે.

ઈન્ટરનેટ ઉપર અમને આવાં કોઈ પણ સમાચાર મળ્યા નથી, જેનાથી સાબિત થાય કે, મોદી સરકાર દ્વારા વિદ્યાર્થીઓને મફત ઈન્ટરનેટ આપવામાં આવી રહ્યું નથી. મેસેજ સાથે વાઈરલ થતી લિંક પર ક્લિક કરવાથી જે વેબપેજ ખૂલે છે એની URLથી જ સ્પષ્ટ થાય છે કે, આ કોઈ સરકારી વેબસાઈટ નથી. સરકારી વેબસાઈટની URL પર છેલ્લે gov.in હોય છે, જ્યારે આ લિંકમાં એવું નથી.

MHRD તેમજ સૂચના અને પ્રસારણમંત્રાલયની ઓફિશિયલ વેબસાઈટ ઉપર પણ અમને મફત ઈન્ટરનેટ ડેટા આપવા વિશે કોઈ અપડેટ મળ્યું નથી. કેન્દ્રીય શિક્ષણમંત્રી રમેશ પોખરિયાલ નિશંકનું ટ્વિટર હેન્ડલ ચેક કર્યું છતાં પણ અમને આવી કોઈ પણ પ્રકારની જાહેરાત મળી નથી.