“ફરીવાર સુરત થયું શર્મસાર” બાપ-દાદાએ 15 વર્ષની બાળકીને બનાવી ગર્ભવતી

સુરત શહેરના કામરેજ તાલુકાના વેલંજા ગામમાં સાવકા પિતા અને દાદાએ દરેક હદો પાર કરી, 15 વર્ષની સગીર બાળકી પર વારંવાર બળાત્કારનો શિકાર બનાવી. અને વારંવાર બળાત્કાર ગુજારી ગર્ભવતી બનાવવાની ધટના સામે આવી છે. પિતા અને દાદાનાં સંબંધને લાંછન લગાવે તેવી ધટના સામે આવી છે.

સુરત શહેરના કામરેજ તાલુકાના વેલંજા ગામમાં રહેતી 15 વર્ષીય બાળકીના પિતાનું મોત થતા તેની માતાએ મૂળ મહેસાણાના સંજય મગન શોભાસણા સાથે બીજા લગ્ન કર્યા હતા. ત્યારબાદ બાળકીને લઇ ઘરે આવી ગઇ હતી. 3 વર્ષ અગાઉ સગીરાની માતાનું પણ મોત નીપજ્યું હતું, ત્યારે બાળકી માત્ર ધોરણ 9માં અભ્યાસ કરતી હતી, અને સાવકા પિતા સંજય મગન શોભાસણા અને સાવકા દાદા મગન શોભાસણા સાથે રહેતી હતી. અને તેનો અભ્યાસ કરતી હતી.

માતાના મોત બાદ બાળકી સાવકા બાપ અને દાદા સાથે એકલી રહેતી હતી. 3 વર્ષ પહેલા સગીરા ઘરે એકલી હતી, ત્યારે આ એકલતાનો ફાયદો ઉઠાવી દાદા મગને સગીરા પર નજર બગાડી બળજબરી પૂર્વક બળાત્કાર ગુજાર્યા બાદ ઘણીવાર બળજબરી કરી તેણીને ગર્ભવતી બનાવી હતી, આ હકીકત સગીરાના સાવકા પિતાને ખબર પડતા ગર્ભપાત કરાવી ઘટના પર પડદો પાડયો હતો, બાદમાં સાવકા બાપે પણ સગીરા પર નજર બગાડી હતી.