November 24, 2024
ટીવીમાં આવતા ફેમસ શો તારક મહેતા કા ઉલટા ચશ્માં શોના એક્ટર જેઠાલાલ ખુબ જ પ્રખ્યાત છે. દિલીપ જોશીએ આ લોકપ્રિયતા પ્રાપ્ત કરવા માટે લાંબી અને કઠિન મુસાફરી કરી હતી. તેમણે મૈને પ્યાર કિયા, હમ આપકે હૈ કૌન, ફિર ભી દિલ હૈ હિન્દુસ્તાની, ખિલાડી 420, ધૂંદતે રહે જાઓગે અને વોટ્સ ઇઝ યોર રાશી જેવી ફિલ્મોમાં કામ કર્યું છે. પરંતુ, તેમણે ખરી ઓળખ ટીવી શો તારક મહેતા કા ઉલ્ટા ચશ્માંથી મળી. આ શો ટીવી પર 13 વર્ષથી રાજ કરે છે. ત્યારે હાલ તેમાં કામ કરતાં જેઠાલાલ ગડાને રિઅલ લાઇફમાં એટલે કે દિલીપ જોશીની શું કમાણી છે તે અંગે અમે ખાસ માહિતી લઇને આવ્યાં છીએ.
દિલીપ જોશી એક અદ્ભુત અભિનેતા છે અને તેના નિર્દોષ હાસ્ય અને સટિક કોમિક ટાઇમિંગથી દર્શકોનું દિલ જીતી લે છે. આ પહેલાં તેઓ ‘ક્યા બાત હૈ’, ‘દો ઔર દો પંચ’, દાલ મેં કાલા, કોરા કાગઝ, હમ સબ બારાતી, સીઆઈડી જેવા અન્ય ટીવી શોમાં નજર આવ્યાં છે. સ્પેશિયલ બ્યુરો, F.I.R, અગડમ બગડમ તિગડમ, સાહેબ બીવી ઔર ટીવી, જેવાં શોમાં કામ કરી ચુક્યાં છે.
Networthdekho.com મુજબ, દિલીપ જોશીએ 5 મિલિયન ડોલરની કમાણી કરી છે જે આશરે 37 કરોડ રૂપિયા છે. જોકે, તેની સત્તાવાર પુષ્ટિ કોઇએ કરી નથી. અગાઉ તારક મહેતા કા ઉલ્ટા ચશ્માના સેટ પર દિલીપ જોશી અને તેના સહ-કલાકાર શૈલેષ લોઢા વચ્ચે અણબનાવ અંગે અનેક અહેવાલો આવ્યાં હતાં. આ અફવાઓ પર પ્રતિક્રિયા આપતા દિલીપ જોશી દ્વારા જાહેર કરવામાં આવ્યું હતું કે, અફવાઓ પાયાવિહોણી અને તદ્દન ખોટી છે.
Trending News
શૈલેષ લોઢાએ ટાઇમ્સ ઓફ ઇન્ડિયા સાથે વાત કરતા તેમણે કહ્યું કે, ”અમે 13 વર્ષથી સાથે કામ કરી રહ્યા છીએ. જ્યારે લોકો અણબનાવ વિશે વાત કરે છે, ત્યારે હું મને હસાવું આવે છે. આવી વાતો માત્રને માત્ર સોશિયલ મીડિયા પર લાઇમ લાઇટ બનાવવા કરવામાં આવે છે. તેમાં કોઇ તથ્ય નથી. અમને ઘણી વખત સીન કરતાં સમયે સક્રિપ્ટની પણ જરૂર પડતી નથી. અમે એક જ મેકઅપ રૂમ શેર કરીએ છીએ. આનાંથી વધારે હું શું કહું.”
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.