ઓલિમ્પિકમાં ગોલ્ડ મેડલ જીતાડવામાં મહત્વપૂર્ણ ફાળો આપનાર દિગ્ગજ ખેલાડીનું અવસાન

હોકીના મહાન ખેલાડીઓમાંથી એક બલબીર સિંહ સીનિયરનું આજે સવારે 96 વર્ષની વયે મોહાલીમાં અવસાન થયું છે. છેલ્લા બે અઠવાડિયાથી તેમને અહીંની ફોર્ટિસ હોસ્પિટલમાં દાખલ કરવામાં આવ્યા હતા. તેમણે સવારે સાડા છ વાગ્યે અંતિમ શ્વાસ લીધા હતા.

ન્યુમોનિયા અને તાવની ફરિયાદ બાદ તેમને 8 મેના રોજ હોસ્પિટલમાં દાખલ કરવામાં આવ્યા હતા. સારવાર દરમિયાન તેમને ત્રણ વખત હાર્ટ એટેક પણ આવ્યો હતો. તેઓ 18 મેથી કોમામાં હતા.આ ઉપરાંત તેઓ ભારત માટે ખુબ સારું રમ્યા હતા.આવો જાણીએ તેમની સિધ્ધિઓ વિષે અહિયાં….

હેલસિન્કી ઓલિમ્પિકની ફાઇનલમાં 5 ગોલ કર્યા હતા

બલબીર સિંહે 1952 હેલસિન્કી ઓલિમ્પિકની ફાઇનલમાં નેધરલેન્ડસ્ સામે 5 ગોલ કર્યા હતા. કોઈપણ ઓલિમ્પિકની ફાઇનલમાં સૌથી વધુ ગોલ કરવાનો રેકોર્ડ આજે પણ તેમના નામે છે. ભારતે આ મેચ 6-1થી જીતી હતી.