November 24, 2024
Unseasonal Rain Forecast: રાજ્યમાં કમોસમી વરસાદની ભીતિ સેવાઈ રહી છે. હવામાન વિભાગે પણ રાજ્યમાં વરસાદને લઈને મોટી આગાહી કરી છે. હવામાન વિભાગ દ્વારા કરાયેલી આગાહી મુજબ રાજ્યમાં આજે સૌરાષ્ટ્ર, દક્ષિણ ગુજરાત અને ઉત્તર ગુજરાતના કેટલાક જિલ્લાઓમાં વરસાદ પડવાની આગાહી(Unseasonal Rain Forecast) છે. આ દરમિયાન ભારે પવન પણ ફૂંકાઈ શકે છે. આ બાદ આવતીકાલે 16 એપ્રિલથી તાપમાન 40 ડિગ્રીને પાર થઈ શકે છે.
આજે કયા જિલ્લાઓમાં વરસાદની આગાહી?
હવામાન વિભાગની આગાહી મુજબ, આજે ઉત્તર ગુજરાતના બનાસકાંઠા, દક્ષિણ ગુજરાતમાં ભરૂચ અને સુરતમાં તથા સૌરાષ્ટ્રના ભાવનગર, અમરેલી, ગીર સોમનાથ, કચ્છ અને દીવમાં પવન ફૂંકાવા સાથે હળવો વરસાદ થવાની આગાહી છે. એક બાજુ કાળજાળ ગરમી અને બીજી તરફ વરસાદી માહોલથી વાતાવરણમાં ઠંડકથી લોકોને રાહત મળી રહી છે. તો બીજી તરફ માવઠાના કારણે ખેડૂતોના તૈયાર પાકને નુકસાની જવાની ભીતિ સેવાઈ રહી છે.
રવિવારે આ સ્થળોએ વરસાદ પડ્યો
ગઈકાલે જ રાજ્યના અનેક વિસ્તારમાં વરસાદ નોંધાયો હતો. અમદાવાદ શહેરના અનેક વિસ્તારોમાં ધૂળની આંધી સાથે ભારે પવન ફૂંકાયો હતો. તો ચાંદખેડા , એસજી હાઈવે, પકવાન સહિતના વિસ્તારોમાં વરસાદ પડ્યો હતો. ઉપરાંત મોરબી, કચ્છ, બનાસકાંઠા, સાબરકાંઠા, ગીર સોમનાથ તથા અંબાજીમાં પણ વરસાદ પડ્યો હતો. કચ્છના અંજારમાં ભારે પવન સાથે ભારે વરસાદ પડતા રસ્તાઓ પાણી-પાણી થઈ ગયા હતા.
Trending News
વંટોળ અને ભારે પવન સાથે વરસાદની આગાહી
કચ્છ જિલ્લાની વાત કરીએ તો કચ્છ સહિત અનેક વિસ્તારોમાં ભારે પવન ફુંકાવાની શક્યતા છે. વંટોળ અને ભારે પવન સાથે વરસાદની આગાહી છે. બનાસકાંઠા, પાટણ, સુરેન્દ્રનગર, દેવભૂમિ, દ્વારકામાં વરસાદ પડવાની સંભાવના છે. સૌરાષ્ટ્રમાં દ્વારકા, જામનગર, મોરબી, સુરેન્દ્રનગર, રાજકોટ, અમરેલી, ભાવનગર, અને કચ્છમાં વરસાદ પડશે. આ તરફ ઉત્તર ગુજરાતમાં સાબરકાંઠા અને મહેસાણામાં વરસાદ પડશે.જ્યારે અમદાવાદ, ગાંધીનગર અને સુરતમાં પણ આગામી કલાકોમાં જ વરસાદ પડવાની હવામાન વિભાગે આગાહી કરી છે. રાજ્યમાં ગાજવીજ સાથે 40 કિલોમીટરની ઝડપે પવન ફુંકાવાની પણ સંભાવના છે.
હાલ કાળઝાળ ગરમીનો અહેસાસ થઇ રહ્યો છે. પરંતુ મહત્તમ તાપમાન સામાન્ય કરતા 1થી 3 ડિગ્રી નીચું છે. જ્યારે લઘુતમ તાપમાન સામાન્ય કરતા 1થી 4 ડિગ્રી વધુ છે. જોકે, હવે બે દિવસ બાદ 2થી 3 ડિગ્રી તાપમાન વધશે અને ફરી કાળઝાળ ગરમીનો અહેસાસ શરુ થશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App