39 વર્ષ બાદ આજે ચુકાદાની શકયતા, ફૂલન દેવીએ કર્યો હતો આ મોટો કાંડ

કાનપુરના બેહમઈ ગામમાં 39 વર્ષ પહેલા થયેલા હત્યાકાંડમાં સેશન કોર્ટ શનિવારે ચુકાદો આપી છે. અગાઉ આ કેસમાં 6 જાન્યુઆરીએ ચુકાદો આવવાનો હતો. જોકે ત્યારે બચાવ પક્ષે દલીલ કરવા માટે કોર્ટ પાસે સમય માંગ્યો હતો. બાદમાં કોર્ટે ચુકાદાની તારીખ 18 જાન્યુઆરી નક્કી કરી હતી અને દલીલ કરવા માટે વકીલોને 16 જાન્યુઆરી સુધીનો સમય આપ્યો હતો.એટલા માટે આજે કોઈ ચુકાદો આવી શકે છે.

જણાવી દઈએ કે ફૂલનદેવી સામુહિક બળાત્કારની ઘટનાનો ભોગ બની ચુકી હતી.ત્યાર બાદ તેણે આ રૂપ ધારણ કર્યું હતું એવું માનવામાં આવે છે.

14 ફેબ્રુઆરી 1981એ ફૂલને તેના 35 સાથીઓને સાથે લઈને બેહમઈના 26 લોકો પર 5 મિનટમાં અઢળક ગોળીઓ વરસાવી હતી. તેમાં 20 લોકો ના મૃત્યુ થયા હતા. ફૂલન દેવી પોતે જ મુખ્ય આરોપી હતી. જોકે તેના મૃત્યુ બાદ તેનું નામ કેસ માંથી હટાવવામાં આવ્યું હતું. ત્યારબાદ 5 આરોપીઓ શ્યામ બાબૂ, ભીખા, વિશ્વનાથ, પોશા અને રામ સિંહ પર કેસ ચલાવવામાં આવ્યો હતો. તેમાંથી રામ સિંહનું 13 ફેબ્રુઆરી 2019ના રોજ જેલમાં મોત થયું હતું. પોશા જેલમાં છે. ત્રણે આરોપીઓ જામીન પર છે.