પાંચ નરાધમોએ મૂંગી-બહેરી કિશોરી પર આચર્યું દુષ્કર્મ- શું સરકાર આ માસુમ યુવતીને ન્યાય આપવશે?

રાજસ્થાનના દૌસાથી માનવતા માટે શરમજનક ઘટના સામે આવી છે. જ્યાં 5 લોકોએ બહેરી મૂંગી કિશોરી સાથે ગેંગરેપની ઘટનાને અંજામ આપ્યો હતો. આ ઘટના બાદ પોલીસ તંત્રમાં હંગામો મચી ગયો છે. આરોપીઓની શોધમાં પોલીસની અનેક ટીમો ઠેર-ઠેર રખડતી થઈ છે. પરંતુ હજી સુધી એક પણ આરોપી પોલીસના હાથમાં આવ્યો નથી.

પીડિતાના પરિવારે આ મામલે ફરિયાદ નોંધાવી છે. બધિર અને મૂંગી હોવાને કારણે કિશોરી આ ઘટના તેના પરિવારના સભ્યોને જણાવી ન શકી. ત્રણ ચાર દિવસ બાદ પોલીસને ક્યાંકથી માહિતી મળી. હાલમાં પોલીસે તેમના સંબંધીઓ અને ગ્રામજનોના નિવેદનના આધારે કેટલાક લોકોની અટકાયત પણ કરી છે અને તેમની પૂછપરછ ચાલુ છે.

કિશોરી સાથે ગેંગરેપ
દૌસા એસપી મનીષ અગ્રવાલે કહ્યું કે આ કિસ્સામાં પીડિતા ન તો બોલી શકતી હતી અને ન લખી શકતી હતી, આવી સ્થિતિમાં પીડિતાના નિવેદનો દુભાષિયા દ્વારા નોંધવામાં આવ્યા છે તેમજ પીડિતાનું મેડિકલ પણ લાલસોટ હોસ્પિટલમાં કરાયું છે.