November 24, 2024
- ગૌરવ વાસન બાબા કાંતા પ્રસાદને મળવા તેમના ‘ઢાબા’ પર પહોંચ્યા; કહ્યું- અંત ભલા તો સબ ભલા
દિલ્હીના માલવીયા નગરમાં ‘બાબા કા ઢાબા’ (Baba Ka Dhaba) ચલાવતા કાંતા પ્રસાદે (Kanta Prasad) લખપતિ બન્યા બાદ તાજેતરમાં ખોલેલી જ પોતાની રેસ્ટોરન્ટ બંધ કરી દીધી છે. જે બાદ તે પોતાના જૂના ઢાબા પરત આવ્યા. તે જ સમયે, તાજેતરમાં બાબા કાંતા પ્રસાદે યુટ્યુબર ગૌરવ વાસનની (Gaurav Wasan) પણ માફી માંગી હતી, જેણે તેમને પ્રખ્યાત બનાવ્યા. જે બાદ રવિવારે ગૌરવ વાસન બાબાના ઢાબા પર પહોંચ્યો, ત્યારબાદ બાબાને ગૌરવ ભેટી પડ્યો. આ સાથે જ ગૌરવે કાંતા પ્રસાદ અને તેની પત્નીનો ફોટો પણ તેના ટ્વિટર પર શેર કર્યો છે. આ સાથે એક કેપ્શન પણ લખવામાં આવ્યું છે.
તમને જણાવી દઈએ કે, બાબાએ પૈસાદાર બન્યા બાદ ગૌરવ વાસન પર લોકો પાસેથી મળેલા નાણાંની હેરાફેરી કરવાનો આરોપ લગાવ્યો હતો. બાબાએ કહ્યું હતું કે તમામ પૈસાનો હિસાબ ગૌરવ પાસે છે. જેના પર ગૌરવે કહ્યું કે જનતા પાસેથી મળેલા તમામ પૈસા તેમણે બાબાને આપી દીધા છે. તે જ સમયે, બાબા અને ગૌરવ વચ્ચેનો આખો વિવાદ સોશિયલ મીડિયા પર પ્રકાશમાં આવ્યો હતો.
તે જ સમયે, આખો મામલો શાંત થઈ ગયો અને બાબાએ માલવિયા નગરમાં લોકો પાસેથી મળેલા પૈસાથી એક રેસ્ટોરન્ટ ખોલી. જો કે, બીજું લોકડાઉન થવાને કારણે રેસ્ટોરન્ટ ચાલી શકી ન હતી. જેના કારણે બાબાએ હવે તેને બંધ કરવું પડ્યું.
Trending News
બાબા કહે છે કે તેમણે જે રેસ્ટોરન્ટ ખોલ્યું તેનો ખર્ચ દર મહિને એક લાખ રૂપિયા હતો. તે જ સમયે, તે દર મહિને માત્ર 40 હજાર રૂપિયા કમાતા હતા.
All is well that ends well. Galti karne se bada, galti maaf karne wala hota he (Mere Maa Baap ne hamesha yehi seekh di he ) #BABAKADHABA pic.twitter.com/u6404OBlnn
— Gaurav Wasan (@gauravwasan08) June 14, 2021
કોરોના સમયગાળા દરમિયાન જ્યારે દરેક આર્થિક રીતે મુશ્કેલીમાં મુકાયુ હતું. દેશમાં લોકડાઉન થયું હતું. કોરોનાને કારણે લોકો બાબાના ઢાબા પર જમવા માટે પહોંચતા ન હતા. પછી એક દિવસ યુટ્યુબર ગૌરવ વાસન પહોંચ્યો અને બાબાનો વીડિયો બનાવ્યો અને તેને સોશિયલ મીડિયા પર પોસ્ટ કર્યો. જેમાં બાબાને એમ કહેતા સાંભળવામાં આવ્યા હતા કે કોરોનાને કારણે લોકો તેમની દુકાન પર નથી આવતા. તેમનો રાંધેલ ખોરાક વેચાઇ રહ્યો નથી. તેઓ આર્થિક રીતે ઘણી મુશ્કેલીઓનો સામનો કરી રહ્યા છે.
ગૌરવ વાસન દ્વારા બનાવાયેલ વિડિઓને લાખો લોકોએ જોયો. જે બાદ બાબાને મદદ મળવાનું શરૂ થયું. પૈસા ખૂબ આવતાં હતાં જેના કારણે બાબાએ ગૌરવ પર છેતરપિંડીનો આરોપ લગાવ્યો હતો. જો કે, હવે બાબાએ સ્વીકાર્યું છે કે ગૌરવે તેની સાથે કોઈ છેતરપિંડી કરી નથી. ગૌરવે ફક્ત તેની મદદ કરી. તે જ સમયે, ફરી એકવાર બાબા અને ગૌરવ એક બીજાને ભેટી પડ્યા અને જૂની વાતો ભૂલી જવાનું વધુ સારું માન્યું. જેની લોકો ખૂબ પ્રશંસા કરી રહ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.