દિલ્હીમાં હિંસા: ભાજપના સાંસદે જ પોતાના નેતા સામે કાર્યવાહી કરવા કરી માંગ, તો કેજરીવાલ એ કહ્યું…

છેલ્લા ૪૮ કલાકથી દિલ્હીમાં ભડકેલી હિંસા મામલે ભાજપના સાંસદ ગૌતમ ગંભીરે મહત્વનું નિવેદન આપ્યું છે. ગૌતમ ગંભીરે ભાજપના જ નેતા કપિલ મિશ્રા પર કાર્યવાહી કરવાની માંગણી કરી છે. ગૌતમ ગંભીરે હિંસા મામલે પ્રતિક્રિયા આપતા કહ્યું કે દિલ્હીની હિંસા પાછળ જે લોકો જવાબદાર છે તેની સામે કડકમાં કડક કાર્યવાહી થવી જોઇએ. પછી તે ભાજપ, કોંગ્રેસ કે પછી આમ આદમી પાર્ટી સાથે સંકળાયેલા કેમ ન હોય. જો કોઇ નેતાએ ભડકાઉ ભાષણ આપ્યું હોય તો તેની સામે પગલાં ભરવા જોઇએ.

BJP MP Gautam Gambhir on Kapil Mishra’s speech: No matter who the person is, whether he is Kapil Mishra or anyone else, belonging to any party, if he has given any provoking speech then strict action should be taken against him. #NortheastDelhi pic.twitter.com/pBmtBORxIY

— ANI (@ANI) February 25, 2020

૪૮ કલાકથી દિલ્હીમાં ફાટી નીકળેલી હિંસા પર કાબૂ મેળવવા મુખ્યપ્રધાન અરવિંદ કેજરીવાલે અમિત સજજ સાથેની બેઠક બાદ પોતાના ધારાસભ્યો સાથે ઇમરજન્સી બેઠક યોજી હતી. અરવિંદ કેજરીવાલે તેમના નિવાસસ્થાને હિંસાગ્રસ્ત વિસ્તારોના ધારાસભ્યોની મહત્વની બેઠક યોજી. આ બેઠકમાં ધારાસભ્યો ઉપરાંત દિલ્હી સરકારના મુખ્ય સચિવ તેમજ ગૃહ સચિવ પણ ઉપસ્થિત રહ્યા. બેઠકમાં હિંસા બાદની સ્થિતિની સમીક્ષા કરવામાં આવી. તેમજ હિંસા પર કાબૂ મેળવવાના પ્રયાસો મુદ્દે ચર્ચા થઇ.

દિલ્હીના મુખ્યમંત્રી કેજરીવાલે બેઠક બાદ પ્રેસ કોન્ફરન્સ યોજી તમામ દિલ્હીવાસીઓને શાંતિ જાળવી રાખવાની અપીલ કરી છે. કેજરીવાલે જણાવ્યું કે હિંસામાં જેમના પણ મોત નિપજ્યા છે તેઓ આપણા લોકો છે. આ સ્થિતિ સારી નથી. હિંસામાં સૌ કોઇનું નુકસાન છે. કેજરીવાલે કહ્યું કે દિલ્હીમાં બહારના લોકો આવી રહ્યા છે આથી બોર્ડરને સીલ કરવાની જરૂર છે. એસડીએમને પણ કહેવાયું છે કે પોલીસની સાથે મળી શાંતિ રેલી યોજવામાં આવે.