આખરે ભારતે અમેરિકા સાથે કર્યો 21 હજાર કરોડનો આ કરાર. જાણો વિગતે

વિશ્વની મહાસત્તા અને સૌથી શક્તિશાળી દેશ અમેરિકાના રાષ્ટ્રપતિ ભારતના આંગણે પધાર્યા છે. અને ગઈ કાલે તેઓ ગુજરાતની મુલાકાત લીધી હતી. ગુજરાતમાં વિશ્વના સૌથી મોટા ક્રિકેટ સ્ટેડિયમ એવા મોટેરા સ્ટેડીયમમાં ડોનાલ્ડ ટ્રમ્પે 26 મીનીટનું ભાષણ આપ્યું હતું. અને ત્યાર બાદ તેઓ દિલ્હી માટે રવાના થયા હતા. હાલમાં જ ભારત અને અમેરિકા વચ્ચે 3 અબજ ડૉલરની ડિફેન્સ ડીલ પર હસ્તાક્ષર થઈ ચૂક્યા છે.

ભારત અને અમેરિકા વચ્ચે થયેલા આ કરારમાં અમેરિકા પાસેથી 24 MH60 રોમિયો હેલિકોપ્ટરની 2.6 અબજ ડૉલરની ખરીદી સામે છે. વધુ એક કરાર 6 AH 64E અપાચે હેલિકોપ્ટરને લઈને છે. જેની કિંમત 80 કરોડ ડૉલર રહેશે. રાષ્ટ્રપ્રમુખ ડોનાલ્ડ ટ્રમ્પ અને વડાપ્રધાન નરેન્દ્ર મોદીની સાથે બંને દેશોના પ્રતિનિધિમંડળ વચ્ચે હૈદરાબાદ હાઉસમાં થયેલી વાતચીતમાં આ કરાર થયો છે.

અમેરિકાના રાષ્ટ્રપતિ ડોનાલ્ડ ટ્રમ્પે ગુજરાતના અમદાવાદના મોટેરા સ્ટેડિયમમાં આયોજિત ‘નમસ્તે ટ્રમ્પ’ કાર્યક્રમમાં આ કરારને ધ્યાનમાં લઈને જાહેરાત કરી દીધી હતી. ડોનાલ્ડ ટ્રમ્પે જણાવતા માહિતી આપી હતી કે 3 અબજ ડૉલરની કિંમતના આધુનિક સૈન્ય હેલિકોપ્ટર અને અન્ય ઉપકરણો માટે મંગળવારે કરાર કરવામાં આવશે. તેમણે કહ્યું હતું કે, અમે અત્યાર સુધીના શ્રેષ્ઠ ઉપકરણો બનાવીએ છે. વિમાન, મિસાઈલો, રોકેટ, પોત. અમે હવે ભારત સાથે કરાર કરી રહ્યા છે. જેમાં ઉન્નત વાયુરક્ષા પ્રણાલી અને સશસ્ત્ર તથા વિના શસ્ત્રવાળા એરિયલ વ્હીકલ સામેલ છે.