ઓછા વરસાદને લીધે સુકાઈ ગઈ નદી, બહાર આવ્યું દ્વારિકા જેવું સામ્રાજ્ય: જુઓ ફોટો

મોસૂલ બંધનું જળસ્તર ઘણું ઘટી રહ્યું છે. જેના કારણે લોકોના ચહેરા પર ચિંતાના વાદળો છવાયા છે. પણ વરસાદ હજુ નથી પડી રહ્યો. વરસાદ ઓછો પડતા નદીની અંદર સમાયેલી એક સાડા ત્રણ હજાર જૂની મિતાની સામ્રાજ્યની ઈમારત દેખાવા લાગી છે. પરિણામે લોકો પણ આશ્ચર્યમાં મુકાઈ ચૂક્યા છે. આ રાજ્યનું પ્રભૂત્વ એક સમયે સિરીયા અને મેસોપોટેમિયા ઉપર રહી ચૂક્યું છે.

આ બંધ ઈરાકની ટાઈગ્રિસ નદી ઉપર બનેલ છે. મોસૂલ બંધ ઈરાકનો સૌથી મોટો બંધ છે. આ બંધને સદ્દામ બંધ પણ કહેવામાં આવે છે. આ વખતે આ નદી સુકીભઠ્ઠ બની જતા હવે મહેલ પણ દેખાવા લાગ્યો છે. જર્મન અને કુર્દિશ પુરાતત્વ વૈજ્ઞાનિકોની ટીમે જળ સ્તર જ્યાં ઘટ્યું ત્યાં જઈ તપાસ કરી હતી. જ્યાં તેમને 3,400 વર્ષ જૂનો મહેલ મળી આવ્યો હતો. આ મહેલને લઈને જર્મનીની ટ્યૂબિંગન યૂનિવર્સિટીએ દાવો કર્યો છે કે આનો સંબંધ ક્યાંક ને ક્યાંક રહસ્યમયી મિતાની સામ્રાજ્ય સાથે છે.