November 02, 2024
ગુજરાતના ધૈર્યા હત્યાકાંડ(Dhairya Murder Case Gujarat) જેવી બીજી ઘટના સામે આવતા હાહાકાર મચી જવા પામ્યો છે. ફરી એક વખત દીકરીના પિતાએ જ પોતાની દીકરીની દર્દનાક હત્યા કરીને મોતને હવાલે કરી દીધી છે. જો વાત કરવામાં આવે તો મથુરા(Mathura) જિલ્લામાં યમુના એક્સપ્રેસ વે(Yamuna Expressway)ના કિનારે લાલ રંગની ટ્રોલી બેગમાંથી મળેલી લાશ દિલ્હીની આયુષી યાદવ(Ayushi Yadav Murder Case) 21 વર્ષની હોવાનું બહાર આવ્યું છે. રવિવારે મૃતકની માતા અને ભાઈએ લાશની ઓળખ કરી હતી. પોલીસના જણાવ્યા અનુસાર આયુષીની હત્યા ઓનર કિલિંગ(Honor killing)નો મામલો છે. પિતાએ જ પુત્રીને ગોળી મારી હતી અને પછી મૃતદેહને સૂટકેસમાં રાખીને મથુરાના રાયા વિસ્તારમાં ફેંકી દીધો હતો. પોલીસે આરોપી પિતાની કસ્ટડીમાં પૂછપરછ શરૂ કરી છે.
એસપી સિટી એમપી સિંહનું કહેવું છે કે, યુવતી 17 નવેમ્બરની સવારે ઘરેથી નીકળી હતી. બીજા દિવસે એટલે કે 18મી નવેમ્બરે યમુના એક્સપ્રેસ વેના સર્વિસ રોડ પર તેની લોહીથી લથપથ લાશ એક ટ્રોલી બેગમાંથી મળી આવી હતી. યુવતીના માથા, હાથ અને પગ પર ઈજાના નિશાન હતા અને છાતીમાં ગોળી વાગી હતી. મથુરા પોલીસે મૃતકની ઓળખ માટે 8 ટીમો બનાવી હતી. યુવતીની ઓળખ માટે પોલીસની ટીમ ગુરુગ્રામ, આગ્રા, અલીગઢ, હાથરસ, નોઈડા અને દિલ્હી પહોંચી હતી.
Trending News
બાદરપુર વિસ્તારમાં છોકરીનું ઘર મળ્યું:
પોલીસના જણાવ્યા અનુસાર, સતત તપાસમાં, લાવારસ મૃતદેહની ઓળખ શેરી નંબર-65, ગામ મોડબંદ, પોલીસ સ્ટેશન બાદરપુર (દિલ્હી)ના રહેવાસી નિતેશ યાદવની પુત્રી આયુષી યાદવ તરીકે થઈ હતી. આ પછી પોલીસ ટીમ છોકરીના ઘરે પહોંચી, જ્યાં તેની માતા અને ભાઈ મળી આવ્યા જ્યારે પિતા ગુમ હતા. આ પછી બંનેને પોસ્ટ મોર્ટમ હાઉસમાં લાવવામાં આવ્યા અને મૃતદેહની ઓળખ કરવામાં આવી. માતાએ તેની પુત્રી આયુષીના મૃતદેહ વિશે જ કહ્યું અને આગળ કંઈપણ કહેવાનો ઈન્કાર કર્યો.
પિતા પર પુત્રીની હત્યાનો આરોપી:
નવાઈની વાત એ હતી કે પરિવારના સભ્યોએ આ કેસમાં દીકરીના ગુમ થયાની નોંધ પણ કરાવી ન હતી. જોકે, આ કેસમાં પોલીસને શરૂઆતમાં જ ઈનપુટ મળ્યા હતા કે પિતા જ પુત્રીની હત્યાનો આરોપી છે. હાલ આરોપી પિતા પોલીસની કસ્ટડીમાં છે અને તેની પૂછપરછ ચાલી રહી છે. તેમજ હત્યામાં વપરાયેલ હથિયાર અને મૃતદેહને લઈ જવા માટે વપરાયેલી કાર મળી આવી છે.
20 હજાર ફોન અને 210 સીસીટીવી તપાસ કર્યા:
યુવતીની ઓળખ કરવા માટે સર્વેલન્સ ટીમે લગભગ 20,000 મોબાઈલ ફોન ટ્રેસ કર્યા. સર્વેલન્સ ટીમે આ મોબાઈલના લોકેશનની પણ તપાસ કરી હતી. જેવર, જબરા ટોલ, ખંડૌલી ટોલ ઉપરાંત હાથરસ, અલીગઢ અને મથુરાના માર્ગો પર લગાવવામાં આવેલા 210 સીસીટીવી ફૂટેજની પણ તપાસ કરવામાં આવી હતી. જે બાદ પોલીસને મૃતકની ઓળખ કરવામાં સફળતા મળી હતી.
યુવતીની ઓળખ માટે પોલીસે દિલ્હી એનસીઆર, અલીગઢ અને હાથરસમાં વિવિધ સ્થળોએ મૃતકના પોસ્ટર પણ લગાવ્યા હતા. આ સિવાય અલીગઢ, હાથરસ અને કાનપુરના સંબંધીઓ પણ લાપતા દીકરીઓને લઈને પોલીસ સ્ટેશન રૈયા પહોંચ્યા હતા.
ગોરખપુરમાં રહેતો પરિવાર
કાર્યવાહક SSP એમપી સિંહે જણાવ્યું કે પોસ્ટમોર્ટમ હાઉસ પહોંચ્યા બાદ માતા અને ભાઈએ આયુષીના મૃતદેહની પુષ્ટિ કરી છે. તેમણે જણાવ્યું કે આ પરિવાર મૂળરૂપે ગોરખપુર જિલ્લાનો રહેવાસી હોવાનું કહેવાય છે. હાલમાં આયુષીનો પરિવાર દિલ્હીના બદરપુર પોલીસ સ્ટેશન વિસ્તારમાં રહેતો હતો. પિતા નિતેશ યાદવની ઈલેક્ટ્રોનિકની દુકાન છે.
ટ્રોલી બેગમાંથી લાશ અને લાલ સાડી મળી:
તમને જણાવી દઈએ કે 18 નવેમ્બરના રોજ સવારે 11 વાગે યમુના એક્સપ્રેસ વેના સર્વિસ રોડ પર કૃષિ સંશોધન કેન્દ્ર પાસે ઝાડીઓમાં એક લાલ રંગની ટ્રોલી બેગમાંથી લોહીથી લથપથ યુવતીની લાશ મળી આવી હતી. ગોળી મારીને હત્યા કર્યા બાદ લાશને ટ્રોલી બેગમાં ભરીને ફેંકી દેવામાં આવી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.