ગુજરાત સરકારે કરી નોકરીઓ બાબતે મોટી જાહેરાત, વિદ્યાસહાયકો માટેની આટલી જગ્યાઓ માટે ભરતીની જાહેરાત

ગુજરાત(gujarat): હાલ તો ગુજરાત સરકારે નોકરીઓ બાબતે મોટી જાહેરાત કરી છે. શિક્ષણ મંત્રી જીતુ વાઘાણી દ્વારા ૨૬૦૦ વિદ્યા સહાયકોની ભરતી કરવાનો મહત્વનો નિર્ણય લેવામાં આવ્યો છે. રાજ્ય સરકાર દ્વારા લેવામાં આવેલા આ નિર્ણયની તબક્કાવાર જાહેરાત તારીખ ૧૧ ઓક્ટોબરના રોજ કરવામાં આવશે.

ભરતીની સંખ્યા કઈક આ પ્રકારની રહેશે: ધોરણ ૧ થી ૫ માં ૧૦૦૦ વિદ્યા સહાયકોની ભરતી કરવામાં આવશે અને ધોરણ ૬ થી ૮ માં ૧૬૦૦ એમ મળીને કુલ ૨૬૦૦ વિદ્યા સહાયકોની ભરતી કરવામાં આવશે. આ ઉપરાંત ગણિત-વિજ્ઞાન વિષય માટે ૭૫૦ શિક્ષકો, અન્ય ભાષાના વિષયો માટે ૨૫૦ શિક્ષકો અને સામાજિક વિજ્ઞાન વિષય માટે ૬૦૦ વિદ્યા સહાયકોની ભરતી કરવામાં આવશે. ગુજરાત સરકાર દ્વારા કરવામાં આવનાર આ ભરતીથી ઘણા વિદ્યા સહાયકોને લાભ મળશે.

મહત્વની વાત એ કે, ભરતી પ્રક્રિયામાં વિધવા મહિલા ઉમેદવારોને સરકાર દ્વારા પાંચ ટકા વધારાના ગુણ આપવાના નિર્ણયનો અમલ પણ કરવામાં આવશે. ધોરણ ૧ થી ૫ માં કુલ ૧૦૦૦ વિદ્યા સહાયકો ફાળવવામાં આવશે. જયારે ધોરણ ૬ થી ૮ માં આ પ્રકારે વિષય શિક્ષકો ફાળવવામાં આવશે: ગણિત અને વિજ્ઞાનના ૭૫૦ વિદ્યા સહાયકો, સામાજિક વિજ્ઞાનના ૬૦૦ વિદ્યા સહાયકો અને અન્ય વિષયોના ૨૫૦ એમ કુલ મળી ૧૬૦૦ વિદ્યા સહાયકોની નિમણુક કરવામાં આવશે.