ગુરમીત રામ રહીમ સહિત પાંચ દોષિતો જેલના સળિયા પાછળ- આ કેસ હેઠળ આજીવન કેદની સજા

ડેરા સચ્ચા સૌદા(Dera Sacha Sauda)ના વડા ગુરમીત રામ રહીમ સિંહ(Gurmeet Ram Rahim Singh)ને રણજીત સિંહ હત્યા કેસ(Ranjit Singh Murder Case)માં આજીવન કેદની સજા ફટકારવામાં આવી છે. 4 આરોપીઓને સીબીઆઈની વિશેષ કોર્ટમાં રજૂ કરવામાં આવ્યા હતા. સીબીઆઈની વિશેષ કોર્ટે(CBI Special Court) રણજીત સિંહની હત્યામાં રામ રહીમ સહિત 5 દોષિતોને આજીવન કેદની સજા ફટકારી છે. રામ રહીમને 31 લાખ અને અન્ય 4 દોષિતોને 50-50 હજારનો દંડ પણ ફટકારવામાં આવ્યો છે.

સેવાદારના હત્યા કેસમાં રામ રહીમ ઉપરાંત સાબદિલ, અવતાર, જસવીર અને ક્રિષ્ના દોષિત ઠર્યા હતા. રણજીત સિંહના પરિવારનું કહેવું છે કે, તેણે ન્યાય માટે લાંબી લડાઈ લડી છે અને તે કોર્ટ પાસેથી ફાંસીની સજાની અપેક્ષા રાખતો હતો, જોકે કોર્ટે દોષિતોને આજીવન કેદની સજા આપી છે.

રામ રહીમ સિંહ રણજીત સિંહ હત્યા કેસમાં દોષિત છે:
મળતી માહિતી અનુસાર જણાવી દઈએ કે, દોષી ગુરમીત રામ રહીમ સિંહ પહેલાથી જ જેલમાં સજા ભોગવી રહ્યો છે. 10 જુલાઈ 2002 ના રોજ રણજિત સિંહની હત્યા કરવામાં આવી હતી. આ કેસમાં ગુરમીત રામ રહીમ સિંહ દોષિત સાબિત થયા છે. સીબીઆઈ દ્વારા 3 ડિસેમ્બર 2003 ના રોજ એફઆઈઆર નોંધવામાં આવી હતી.

સીબીઆઈ કોર્ટે 5 લોકોને દોષિત ઠેરવ્યા:
જણાવી દઈએ કે, વર્ષ 2017 માં સીબીઆઈ કોર્ટે ગુરમીત રામ રહીમ સિંહ સહિત 5 લોકોને દોષિત ઠેરવ્યા હતા. જાણો કે રણજીત સિંહની હત્યામાં ગુરમીત રામ રહીમ સિંહ ઉપરાંત કૃષ્ણ લાલ, અવતાર, સબદિલ અને જસબીરને કોર્ટે દોષિત ઠેરવ્યા છે.