November 20, 2024
Gwalior Car Video Man Assualted By Criminals In Dabra: ગ્વાલિયરમાં સિધીના પેશાબ કાંડ જેવી ઘટના બની છે. અહીં એક વીડિયો સામે આવ્યો છે, જેમાં એક યુવકને ચાલતી કારમાં બેફામ માર મારવામાં આવી રહ્યો છે. તેના ચહેરા પર ચપ્પલ ફેંકવામાં આવી રહી છે. યુવકને માર મારનાર વ્યક્તિ પીડિતને પોતાને એનો પણ બાપ ગણાવી રહ્યો છે, પીડિત તેના પગ પણ ચાટી રહ્યો છે.
આ વીડિયો ક્યારનો છે તે હાલ જાણી શકાયું નથી. મળેલી માહિતી અનુસાર આ વીડિયો શુક્રવારે રાત્રે સોશિયલ મીડિયા પર સામે આવ્યો હતો. જે બાદ પોલીસ એક્શનમાં આવી ગઈ હતી, હાલ પોલીસ આરોપીને શોધી રહી છે.
વીડિયોમાં એક કાર રોડ પર ઝડપથી દોડતી જોવા મળી રહી છે અને કારમાં 4 થી 5 લોકો બેઠા છે. કારમાં મોટેથી ગીત વાગી રહ્યું છે. કારમાં સવાર એક યુવક પીડિત યુવકને બેરહેમીથી માર મારી રહ્યો છે. ત્યારે અન્ય એક યુવક પીડિતના મોઢા પર ચપ્પલ ચટાડી રહ્યો છે. યુવકને મારનાર વ્યક્તિ તેને પગ ચાટવાનું પણ કહે છે. તે જ સમયે તે પોતાને એનો પણ બાપ કહેતો જોવા મળે છે.
Trending News
જણાવવામાં આવી રહ્યું છે કે પીડિત ગ્વાલિયરના ડાબરા તહસીલનો રહેવાસી છે. આ સમગ્ર ઘટના ગ્વાલિયર ડાબરા હાઈવેની જણાવવામાં આવી રહી છે. આ ઘટનાના બે વીડિયો સામે આવ્યા છે. એક વીડિયો 36 સેકન્ડનો છે જ્યારે બીજો 42 સેકન્ડનો છે. પોતાને ગોલુ ગુર્જર ગણાવી એક યુવકને માર મારનાર વ્યક્તિ પૂછે છે કે ગોલુ ગુર્જર કોણ છે? તમારો બાપ. તે પીડિત સામે પગ પણ દબાવરાવી રહ્યો છે. ત્યારે વીડિયોમાં અન્ય આરોપી તેજેન્દ્રનું નામ પણ સામે આવ્યું છે.
જણાવવામાં આવી રહ્યું છે કે, પીડિત યુવકની થોડા દિવસો પહેલા ડાબરામાં ગોલુ ગુર્જરના ભાઈ સાથે ઝઘડો થયો હતો. તે પછી તે બેનમોર ગયો અને કામ કરવા લાગ્યો. આરોપીએ ગ્વાલિયરમાં કલેક્ટર કચેરી પાસે એક પરિચિતને ફોન કર્યો અને પીડિતને બોલાવી, અહીંથી બોલેરોમાં અપહરણ કર્યું હતું અને પછી તેને માર માર્યો. વીડિયો સામે આવ્યા બાદ પોલીસે તપાસ શરૂ કરી છે. પોલીસ અધિકારીઓનું કહેવું છે કે ટૂંક સમયમાં જ આરોપીઓની ઓળખ કરી લેવામાં આવશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube