કેમિકલ ફેક્ટરીમાં થયો પ્રચંડ બ્લાસ્ટ, એક સાથે 6 લોકોના તડપી તડપીને મોત- 'ઓમ શાંતિ' -Trishul News

ઉત્તર પ્રદેશ(Uttar Pradesh)ના હાપુડ(Hapud)થી મોટા સમાચાર સામે આવી રહ્યા છે. હાપુડ જિલ્લાના ધૌલાના(Dhaulana)માં એક કેમિકલ ફેક્ટરીમાં જોરદાર બ્લાસ્ટ(Chemical Factory Blast) થયો હતો. જેમાં ઓછામાં ઓછા 6 મજૂરોના મોત થયા હોવાના અહેવાલ છે. તે જ સમયે, 12 થી વધુ લોકો ઘાયલ હોવાનું કહેવાય છે. હાલ ઘાયલોને સામુહિક આરોગ્ય કેન્દ્રમાં લઈ જવામાં આવ્યા છે. જ્યાં તેની સારવાર ચાલી રહી છે. હાલ અકસ્માતની માહિતી મળ્યા બાદ જિલ્લા પ્રશાસનના અધિકારીઓ સુધી પહોંચવાની પ્રક્રિયા શરૂ કરવામાં આવી છે.

મળતી માહિતી મુજબ, હાપુડના ધૌલાના સ્થિત રૂહી કેમિકલ્સ નામની ફેક્ટરીમાં બપોરે ત્રણ વાગ્યે વિસ્ફોટ થયો હતો. જેમાં 6 લોકોના ઘટનાસ્થળે જ મોત થયા હતા. તે જ સમયે, એક ડઝનથી વધુ લોકો ઘાયલ થયા હતા. હાલ ફેક્ટરીમાંથી ઘાયલ અને મૃતદેહોને બહાર કાઢવાની કામગીરી ચાલી રહી છે. જો કે ઘાયલ અને મૃતકોની સંખ્યા હજુ વધી શકે છે. કહેવામાં આવી રહ્યું છે કે કેમિકલ બોઈલર ફાટવાના કારણે વિસ્ફોટ થયો હતો.

મુખ્યમંત્રી યોગી આદિત્યનાથે દુર્ઘટના પર શોક વ્યક્ત કર્યો છે. તેમના કાર્યાલયના સત્તાવાર ટ્વિટર હેન્ડલ પરથી લખવામાં આવ્યું હતું કે, ‘CM યોગીએ હાપુડ જિલ્લામાં સ્થિત એક ફેક્ટરીમાં બોઈલર વિસ્ફોટની દુર્ઘટનામાં જાનહાનિ પર ઊંડી શોક વ્યક્ત કરી છે. મૃતકોની આત્માને શાંતિ મળે તે સાથે જ મુખ્યમંત્રીએ શોકગ્રસ્ત પરિવારો પ્રત્યે સંવેદના વ્યક્ત કરી છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.