એક સમયે વડાપ્રધાનને ફેંકુ કહેતો હાર્દિક આજે કેસરિયો કરશે- કહ્યું, ‘PM મોદીના નેતૃત્વમાં નાનો સિપાઈ બનીને કામ કરીશ’

ગુજરાત(Gujarat): કોંગ્રેસ(Congress)ના પૂર્વ નેતા હાર્દિક પટેલ(Hardik Patel) આજે સવારે 11 વાગ્યે ભાજપ(Hardik Patel To Join BJP)માં જોડાશે. તેણે ખુદ ટ્વીટ કરીને આ જાણકારી આપી છે. હાર્દિકે ટ્વીટ કર્યું હતું કે રાષ્ટ્રહિત, રાજ્ય હિત, જનહિત અને સામાજિક હિતની લાગણી સાથે હું આજથી એક નવા અધ્યાયની શરૂઆત કરવા જઈ રહ્યો છું. ભારતના સફળ વડાપ્રધાન શ્રી નરેન્દ્રભાઈ મોદી(Narendra Modi)ના નેતૃત્વમાં રાષ્ટ્ર સેવાના ઉમદા કાર્યમાં હું નાના સૈનિક તરીકે કામ કરીશ.

राष्ट्रहित, प्रदेशहित, जनहित एवं समाज हित की भावनाओं के साथ आज से नए अध्याय का प्रारंभ करने जा रहा हूँ। भारत के यशस्वी प्रधानमंत्री श्री नरेन्द्र भाई मोदी जी के नेतृत्व में चल रहे राष्ट्र सेवा के भगीरथ कार्य में छोटा सा सिपाही बनकर काम करूँगा।

— Hardik Patel (@HardikPatel_) June 2, 2022

18 મેના રોજ કોંગ્રેસમાંથી રાજીનામું આપ્યું હતું:
તમને જણાવી દઈએ કે હાર્દિક પટેલે 18 મેના રોજ કોંગ્રેસ પાર્ટીમાંથી રાજીનામું આપી દીધું હતું. ચૂંટણી પહેલા તેમનું આ પગલું કોંગ્રેસ માટે મોટો ઝટકો છે. કોંગ્રેસ છોડતા પહેલા હાર્દિકે પાર્ટીના પ્રમુખ સોનિયા ગાંધીને પત્ર લખ્યો હતો. આ પત્રમાં તેમણે કોંગ્રેસ પાર્ટીની નીતિ અંગે ઉગ્ર વાત કરી હતી.

કોંગ્રેસ પર ભડાસકાઢીને હાર્દિક પટેલે જાણો શું કહ્યું હતું?
હાર્દિક પટેલે કહ્યું હતું કે, મને કોંગ્રેસમાં બે વર્ષથી કાર્યકારી તરીકે કોઈ જવાબદારી આપવામાં આવી નથી. હું ખુલ્લા મનથી ચર્ચા કરવા આવ્યો છું. ઈમાનદારીથી લોકો માટે પ્રચાર કર્યો. કોંગ્રેસમાં સૌથી મોટો જાતિવાદ રાજકારણ છે. અમારા આંદોલનથી ઘણાને ફાયદો થયો છે.