હ્રદયના ધબકારા વધારી દેતા અકસ્માતના LIVE દર્શ્યો- તરબૂચની જેમ છૂંદાઈ ગયું યુવકનું માથું… હિંમતવાળા જ જોજો વિડીયો

અમદાવાદ(Ahmedabad): દરરોજ ન જાણે કેટલીય અકસ્માત (Accident)ની ઘટનાઓ બનતી હોય છે. તેમજ આ અકસ્માતોમાં લાખો લોકો પોતાનો જીવ ગુમાવતા હોય છે. જયારે ઘણી વાર તો બીજાની બેદરકારીના કારણે નિર્દોષ લોકોના જીવ પણ જતા હોય છે. ત્યારે હાલ આવા જ એક ગોઝારા અકસ્માતના સમાચાર મળી આવ્યા છે. જેમાં અમદાવાદ શહેરના રખિયાલ વિસ્તારમાં પુરપાટ ઝડપે આવી રહેલા ટ્રકે 35 વર્ષીય યુવકને અડફેટે લેતા તેનું ઘટના સ્થળે જ કમકમાટી ભર્યું મોત નીપજ્યું હતું. આ અકસ્માત એટલો ભયંકર હતો કે, યુવકનું માથું ટ્રકના ટાયરમાં આવી જતા જાણે તરબૂચ ફૂટે એવી રીતે તેનું માથું ફાટી ગયું હતું. આ ઘટનાના સીસીટીવી પણ સામે આવ્યા છે.

રૂવાટાં ઊભા કરી દેતા અકસ્માતના CCTV pic.twitter.com/tyXsa8LZbA

— Ola Movie (@ola_movie) February 22, 2023

યુવક ટ્રક નીચે આવતા માથું કચડાયુ:
મળતી માહિતી અનુસાર, આ ગમખ્વાર અકસ્માત મંગળવારના રોજ સર્જાયો હતો. નરોડા વિસ્તારનો રહેવાસી 35 વર્ષીય મહેન્દ્ર પુરોહિત નામનો યુવક મંગળવારે સાંજના સમયે પોતાના કોઈ કામથી બહાર નીકળ્યો હતો. આ દરમિયાન રખિયાલના મોહમ્મદી મસ્જિદ પાસેથી તે પસાર થઈ રહ્યો હતો, ત્યારે ત્યાંથી પુરપાટ ઝડપે એક ટ્રક આવી રહી હતી. તે જ સમયે મહેન્દ્ર ટ્રકને ઓવરટેક કરવા જતા પોતાની ટુ વ્હીલર પરથી કાબૂ ગુમાવ્યો હતો.

કાબુ ગુમાવતાની સાથે જ યુવકનું માથું ટ્રકના ટાયર નીચે આવી ગયું હતું. તેમજ તરબૂચ ફૂટે એવી રીતે તેનું માથું ફાટી જતા યુવક ઘટના સ્થળે જ મોતને ભેટ્યો હતો. ઘટનાને પગલે સમગ્ર પંથકમાં ચકચાર મચી જવા પામી હતી. સાથે જ આ રૂવાટાં ઊભા કરી દેતા દ્રશ્યો સર્જાતા આસપાસના લોકોમાં પણ ડરનો માહોલ જોવા મળ્યો હતો. જાણવા મળ્યું છે કે, અકસ્માત સર્જાયા બાદ ટ્રકનો ડ્રાઈવર ઘટના સ્થળેથી ફરાર થઈ ગયો હતો.