ખુશીના મેળામાં મોતનો માતમ- પતિએ પત્નીના પ્રેમીને ઉપરાછાપરી છરીના ઘા મારી પતાવી દીધો

Ahmedabad (અમદાવાદ): ગુજરાત રાજ્યમાં આવેલા અમદાવાદ શહેરના સાણંદના મોડસર ગામે મેળામાં એક વ્યક્તિની  હત્યા કરવામાં આવી છે. એક વ્યક્તિએ અન્ય વ્યક્તિ પર છરીના ઘા માર્યા હતા. ઘટના સર્જાયા બાદ ત્યાં લોકોના ટોળા ઉમટી પડ્યા હતા, ત્યાર બાદ ઘાયલ વ્યક્તિને લોહીલુહાણ હાલતમાં સિવિલ હોસ્પિટલમાં સારવાર માટે ખસેડવામાં આવ્યો હતો. સિવિલ હોસ્પિટલમાં હાજર ડોક્ટરે આ ઘાયલ વ્યક્તિને  મૃત જાહેર કર્યો હતો.

મળેલી માહિતી અનુસાર મૃત્યુ પામેલા શખસનું નામ જીજ્ઞેશ સોલંકી છે અને તે પીપણ ગામનો રહેવાસી છે. જયારે હુમલો કરનાર વ્યક્તિનું નામ દીપક મકવાણા છે અને તે બાવળાનો હોવાનું બહાર આવ્યું છે. જાણવા મળી રહ્યું છે કે, આરોપીની પત્ની સાથે મૃતકના આડા સંબંધ હોવાની આશંકા રાખીને આ હત્યા કરવામાં આવી છે.

આરોપી દીપક મકવાણાને શંકા હતી કે મોડાસર ગામના મેળામા બન્ને પ્રેમી મુલાકાત કરશે તેથી તેવોચ રાખી હતી. મોડાસર ગામના મેળામા બંને પ્રેમી વચ્ચે મુલાકાત થઇ હતી અને ત્યાર બાદ પત્નીના પ્રેમીને છરીના ઘા મારી દીપકે હત્યા કરી હતી. હત્યા કર્યા બાદ આરોપી દીપકે પોતાના પરિવારને સમગ્ર બનાવની જાણ કરીને બાવળા પોલીસ મથકે હાજર થઇ ગયો હતો.